Suriya : కోలీవుడ్ స్టార్ హీరో సూర్య ప్రస్తుతం వరుస సినిమాలతో బిజీగా మారారు. ఆయన నటించిన లేటెస్ట్ సినిమా జై భీమ్ హిట్ టాక్ ను సంపాదించుకుంది. రియల్ ఇన్సిడెంట్ ఆధారంగా తెరకెక్కిన ఈ సినిమా సక్సెస్ ఫుల్ గా రన్ అవుతోంది. ఈ సినిమాలో సూర్య లాయర్ పాత్రలో నటించారు. సినతల్లిగా నటి లిజోమోల్ యాక్ట్ చేశారు. ఈమె పాత్ర సినిమాకు హైలెట్ గా నిలిచింది. ప్రకాష్ రాజ్ జై భీమ్ సినిమాలో కీలక పాత్ర పోషించారు.
పోలీస్ కస్టడీలో లాకప్ డెత్ లో చనిపోయిన వ్యక్తికి అన్యాయం జరిగిందని ఆయన భార్య చేసిన న్యాయ పోరాటమే ఈ కథ నేపథ్యం. ఈ సినిమా తెలుగు, తమిళం ప్రేక్షకులను ఆకట్టుకుంటోంది. ఈ క్రమంలో సెలెబ్రిటీలతోపాటు తమిళనాడు సీఎం స్టాలిన్.. జై భీమ్ సినిమా డైరెక్టర్ ను ఎంతగానో పొగిడారు. అలాగే సూర్యకు అభినందనలు తెలియజేస్తూ.. లెటర్ కూడా రాశారు.
లేటెస్ట్ సమాచారం ప్రకారం రియల్ సినతల్లి అయిన పార్వతి అమ్మాళ్ కు హీరో సూర్య 10 లక్షల రూపాయల్ని ఫిక్స్డ్ డిపాజిట్ చేశారు. ఈ డబ్బుపై వచ్చే వడ్డీని ప్రతినెల పార్వతి అమ్మాళ్ కు అందేలా చేశారు. ఈ విషయాన్ని సూర్య తన సోషల్ మీడియా వేదికగా అనౌన్స్ చేశారు. అలాగే ఇటీవల పార్వతి అమ్మాళ్ కుటుంబానికి అండగా నిలబడి, ఆమెకు ఇల్లు కట్టిస్తానని కోలీవుడ్ హీరో, డైరెక్టర్ అయిన రాఘవ లారెన్స్ తెలిపారు.
స్పందించండి