Dil Raju : దిల్ రాజు అంటేనే సక్సెస్‌.. సక్సెస్‌ అంటేనే దిల్ రాజు.. అన్నంతలా ఉంటుంది. దిల్ రాజు ఓ సినిమా కథను ఓకే చేశాడంటే కచ్చితంగా దాంట్లో విషయం ఉంటుందని చాలా మంది భావిస్తుంటారు. నిర్మాతగా, డిస్ట్రిబ్యూటర్ గా దిల్ రాజుకు తెలుగు సినీ పరిశ్రమలో ఎదురు లేదనే విషయం తెలిసిందే. ఆయన ఓ సినిమా తీస్తున్నారంటే పోటీపడి కొనుక్కుంటారు. ఇంత గుడ్ విల్ ఉన్న దిల్ రాజు ఇప్పుడు రెండు పెద్ద సినిమాలు చేస్తున్నారు. ఒకటి విజయ్ తో వారసుడు, మరొకటి తమిళ దర్శకుడు శంకర్, రామ్ చరణ్ కాంబినేషన్ లో వ‌స్తోంది. మరోపక్క స్టార్స్ సినిమాల‌ను డిస్ట్రిబ్యూషన్ కూడా చేస్తున్నారు. బింబిసారని నైజాంలో డిస్ట్రిబ్యూట్ చేస్తే మంచి లాభాలు వచ్చాయి. అయితే ఇప్పుడు ఆయనకు ఓ కాంట్రవర్సీ చుట్టుకుంది. అదేమిటంటే..
నిఖిల్ హీరోగా 2014 సంవత్సరంలో రూపొందిన కార్తికేయ సినిమా సూపర్ హిట్ గా నిలిచింది. ఈ సినిమాకి సీక్వెల్ చేస్తామని అప్పట్లోనే ప్రకటించారు. ఎట్టకేలకు సినిమా జూలై 22వ తేదీన ప్రేక్షకుల ముందుకు వచ్చేందుకు సర్వం సిద్ధం అయింది. అయితే సినిమా విడుదలకు థియేటర్లు దొరక్క సినిమా వాయిదా వేసుకోవాల్సి వచ్చింది. అదే సమయానికి నాగచైతన్య హీరోగా నటించిన థాంక్యూ సినిమా కూడా విడుదలవుతున్న నేపథ్యంలో నిఖిల్ సినిమా వాయిదా పడింది. కార్తికేయ 2 నిర్మాతలు రిలీజ్ కోసం చాలా తిప్పలు పడ్డారు. దిల్ రాజు బలం ముందు వీరి బలగం సరిపోలేదని కామెంట్స్ వచ్చాయి.
కార్తికేయ 2 సినిమాకి థియేటర్స్ లేకపోవడంతో ఆగస్టు 13కు రిలీజ్ డేట్ ను మార్చుకొని రిలీజ్ చేశారు. అయితే ఈ సినిమా పాన్ ఇండియా ఫిల్మ్ గా వచ్చింది. దాంతో దిల్ రాజు కారణంగా మిగిలిన భాషల్లో కూడా సినిమాని పోస్ట్ పోన్ చేయాల్సి వచ్చింది. అక్కడ ఆల్ రెడీ సినిమా ప్రమోషన్స్ కోసం బాగా ఖర్చు పెట్టారు. ఇప్పుడు అదంతా వృథా అయిపోయింది. కాకపోతే సినిమా హిట్ టాక్ రావటంతో టీమ్ రిలీఫ్ అయ్యింది.
అయితే శుక్రవారం నితిన్ సినిమా మాచర్ల నియోజకవర్గం విడుదల అయింది. నైజాంలో దిల్ రాజు పంపిణీ చేశారు. మరో క్క ఆగస్ట్ 5న కళ్యాణ్ రామ్ బింబిసార రిలీజ్ అయింది. ఆ సినిమాను కూడా దిల్ రాజు డిస్ట్రిబ్యూట్ చేశారు. దీంతో కచ్చితంగా థియేటర్స్ విషయంలో ఇబ్బందులు వచ్చాయి. ఎందుకంటే బింబిసార సూపర్ హిట్ కావడంతో ఆ థియేటర్స్ తీయడానికి లేదు.
నితిన్ మాచర్లకు ఎక్కువ థియేటర్స్ కేటాయించాలి. కాబట్టి చాలా భాగం థియేటర్స్ దిల్ రాజు రిలీజ్ ల వైపే ఉండిపోతాయి. ప్రైమ్ థియేటర్స్ నిఖిల్ సినిమాకు దొరకడం కష్టమైపోయాయని వినికిడి. ఇలా దిల్ రాజు.. ఈ సినిమాని ఇబ్బంది పెట్టినట్లే అయ్యింది. కాకపోతే ఇవన్నీ బిజినెస్ లో కామన్ అని జనాలు అనుకుంటున్నారు. ఏదేమైనా గత కొన్నేళ్లుగా నిఖిల్ రెగ్యులర్ హీరోయిజం కన్నా కంటెంట్ బలంగా ఉన్న కథలకే ఓటేస్తున్నాడు. ఈ క్రమంలో వచ్చిన మరో చిత్రం కార్తికేయ 2. థ్రిల్లర్ చిత్రాలను ఇష్టపడే ప్రేక్షకులు తప్పకుండా చూడదగ్గ సినిమాగా పేరు తెచ్చుకుంది. బాక్సాఫీస్ వ‌ద్ద ఈ మూవీ పాజిటివ్ టాక్‌తో దూసుకుపోతోంది.
