టాలీవుడ్ అగ్రహీరో నాగార్జున, దర్శకుడు కళ్యాణ్ కృష్ణ కాంబినేషన్లో రూపొందుతున్న క్రేజీ ప్రాజెక్ట్ “బంగార్రాజు”. ఈ సినిమా “సోగ్గాడే చిన్ని నాయన” మూవీకి సీక్వెల్ గా దర్శకుడు కళ్యాణ్ కృష్ణ రూపొందిస్తున్నాడు. ఈ మూవీ కరోనా పరిస్థితులు కుదుటపడ్డాక షూటింగ్ ప్రారంభమవుతుందని,అందుకు సంబంధించిన ప్రీ పొడక్షన్ పనులు జరుగుతున్నాయని ఇటీవల నాగార్జున అధికారికంగా ప్రకటించారు.
సోగ్గాడే చిన్నినాయన మూవీ బాక్సాఫీస్ వద్ద ఎంతటి ఘన విజయం సాధించిందో మనందరికీ తెలిసిందే. ఈ సినిమా సీక్వెల్ “బంగార్రాజు” మూవీ కథ మాత్రం కొత్తగా ఉంటుందని,పాత్రల తీరు కూడా కొత్తగా ఉంటాయని దర్శకుడు కల్యాణ్ కృష్ణ ఓ సందర్భంలో తెలిపారు. ఇందులో కూడా నాగార్జున సరసన రమ్యకృష్ణ నటిస్తున్నారు.
సోగ్గాడే చిన్ని నాయన మూవీలో నాగార్జున డబల్ రోల్ పోషించాడు. అందుకు ఇద్దరు హీరోయిన్లు ఉండాల్సి వచ్చింది కానీ బంగార్రాజు మూవీలో మరో పాత్రకూ అవకాశం లేదు కాబట్టి సీత పాత్ర వుండదు. కావున లావణ్య త్రిపాఠికి ఈ మూవీలో అవకాశం ఉండదని స్పష్టం అవుతోంది. ఇక ఈ మూవీలో నాగార్జున కొడుకు,కోడలు పాత్రల్లో నాగచైతన్య, సమంత నటిస్తున్నారన్న వార్త సోషల్ మీడియాలో వైరల్ అవుతుంది.
