iQOO Z5 5G : మొబైల్స్ త‌యారీ సంస్థ ఐక్యూ కొత్త‌గా ఐక్యూ జ‌డ్‌5 పేరిట ఓ 5జి స్మార్ట్ ఫోన్‌ను భార‌త్‌లో విడుద‌ల చేసింది. ఇందులో అదిరిపోయే ఫీచ‌ర్ల‌ను అందిస్తున్నారు. ఈ ఫోన్ లో 6.67 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ క‌లిగిన ఎల్‌సీడీ డిస్‌ప్లేను ఏర్పాటు చేశారు. దీనికి 120 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే క్వాలిటీగా ఉంటుంది.
ఈ ఫోన్‌లో స్నాప్‌డ్రాగ‌న్ 778జి ప్రాసెస‌ర్‌ను అమ‌ర్చారు. దీని వ‌ల్ల 5జి సేవ‌ల‌ను ఉప‌యోగించుకోవ‌చ్చు. అలాగే 8, 12 జీబీ ర్యామ్ ఆప్ష‌న్ల‌లో ఈ ఫోన్ ల‌భిస్తోంది. అద‌నంగా మ‌రో 4జీబీ వ‌ర్చువ‌ల్ ర్యామ్‌ను అందిస్తున్నారు. దీని వ‌ల్ల ఫోన్ వేగంగా ప‌నిచేస్తుంది. 128, 256 జీబీ స్టోరేజ్ ఆప్ష‌న్లు ఇందులో ల‌భిస్తున్నాయి.
ఈ ఫోన్‌లో డ్యుయ‌ల్ సిమ్‌ల‌ను వేసుకోవ‌చ్చు. మెమొరీ కార్డు వేసుకునేందుకు స్లాట్ లేదు. ఆండ్రాయిడ్ 11 ఆప‌రేటింగ్ సిస్ట‌మ్ ల‌భిస్తుంది. వెనుక వైపు 64 మెగాపిక్స‌ల్ మెయిన్ కెమెరాకు తోడుగా మ‌రో 8 మెగాపిక్స‌ల్ అల్ట్రా వైడ్ కెమెరా, 2 మెగాపిక్స‌ల్ మాక్రో కెమెరా, 16 మెగాపిక్స‌ల్ సెల్ఫీ కెమెరాల‌ను ఏర్పాటు చేశారు.
ఫింగ‌ర్ ప్రింట్ సెన్సార్ ప‌క్క భాగంలో ల‌భిస్తుంది. డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.2, యూఎస్‌బీ టైప్ సి, 5000 ఎంఏహెచ్ బ్యాట‌రీ, ఫాస్ట్ చార్జింగ్ ఫీచ‌ర్లు ఈ ఫోన్‌లో ల‌భిస్తున్నాయి.
ఈ ఫోన్‌కు చెందిన 8జీబీ ర్యామ్, 128 జీబీ స్టోరేజ్ మోడ‌ల్ ధ‌ర రూ.23,990 ఉండ‌గా, 12 జీబీ ర్యామ్, 256 జీబీ స్టోరేజ్ మోడ‌ల్ ధ‌ర రూ.26,990గా ఉంది. ఈ ఫోన్‌ను అక్టోబ‌ర్ 3వ తేదీ నుంచి విక్ర‌యిస్తారు. అమెజాన్‌తోపాటు ఐక్యూ ఆన్‌లైన్ స్టోర్‌లో కొనుగోలు చేయ‌వ‌చ్చు. లాంచింగ్ సంద‌ర్భంగా ఈ ఫోన్‌పై ఆఫ‌ర్ల‌ను కూడా అందివ్వ‌నున్నారు. ఐసీఐసీఐ కార్డుల‌తో ఈ ఫోన్‌ను కొంటే రూ.1500 త‌గ్గింపు ధ‌ర ల‌భిస్తుంది. అలాగే 6 నెల‌ల వ‌ర‌కు ఉచిత స్క్రీన్ రీప్లేస్‌మెంట్ స‌దుపాయం, 9 నెల‌ల వ‌ర‌కు నో కాస్ట్ ఈఎంఐ వంటి స‌దుపాయాల‌ను అందిస్తున్నారు.
