సాధారణంగా తేనెను తీసేవారు ఎన్నో జాగ్రత్తలు తీసుకుంటూ, శరీరం మొత్తం పూర్తిగా కప్పుకొని తేనెటీగలు కుట్టడానికి ఆస్కారం లేకుండా ఎన్నో జాగ్రత్తలు తీసుకొని తేనె పట్టుకోవడానికి వెళ్తారు. ఇలాంటి జాగ్రత్తలు తీసుకున్నా కొన్ని సార్లు తేనెటీగల బారిన పడతారు. ఇక ఎలాంటి జాగ్రత్తలు లేకుండా తేనె కోసం వెళితే తేనెటీగలు మనల్ని చుట్టుముట్టి మనల్ని తీవ్రంగా గాయపరుస్తాయి. కొన్నిసార్లు ఈ ప్రమాదంలో మరణం కూడా సంభవిస్తుంది.
కానీ ప్రస్తుతం సోషల్ మీడియాలో ఒక వీడియో వైరల్ అవుతోంది. ఈ వీడియోలో ఓ వ్యక్తి ఎలాంటి జాగ్రత్తలు తీసుకోకుండా తేనె పట్టు నుంచి తేనెటీగలను తీసి ఎంతో చాకచక్యంగా తేనెను పట్టుకెళ్ళి పోయాడు. ఈ వీడియో చూసిన నెటిజన్లు అతనికి తేనెటీగలు కుట్టలేదా అనే సందేహం వ్యక్తం చేస్తున్నారు. ఈ వీడియోలో ఓ వ్యక్తి ఒక ఆకుతో ముందుగా తేనెపట్టు పై రెండు సార్లు అటు ఇటు ఊపగా, అక్కడ ఉన్న తేనెటీగలు వెళ్ళిపోయాయి. మరికొన్నింటిని స్వయానా తన చేతితో పట్టుకొని తీసివేశాడు.
Extracting Honey from a Beehive
byu/iltifaat_yousuf inoddlysatisfying
కత్తి సహాయంతో సగం తేనె పట్టు కట్ చేయగా మిగిలిన సగం తేనెను ఒక బకెట్ లోకి పట్టుకున్నాడు. ఆ తర్వాత ముందుగా కట్ చేసిన ఆ తేనెపట్టును రాతికి అతికించాడు. ఇలా చేయగా అక్కడ ఉన్న తేనెటీగలు మరి వచ్చి తేనెపట్టుపై వాలిపోయాయి. అయితే ఆ వ్యక్తికి తేనెటీగలు కుట్టకపోవడం విశేషం. ప్రస్తుతం ఈ సంఘటనకు సంబంధించిన వీడియో సోషల్ మీడియాలో వైరల్ గా మారింది.
స్పందించండి