Balakrishna : టాలీవుడ్ నటసింహం నందమూరి బాలకృష్ణ.. పాత్ర ఎలాంటిదైనా, కథనం ఏదైనా, ఒక్కసారి ఆయన ఎంట్రీ ఇస్తే హిస్టరీ రిపీట్ కావాల్సిందే. బాలయ్య నటనతో, డైలాగ్స్ తో తన అభిమానుల్ని అలరిస్తారు. ఓ వైపు సక్సెస్ ఫుల్ గా సినిమాల్లో నటిస్తూనే మరోవైపు టాక్ షో కి యాంకర్ గా వ్యవహరిస్తున్నారు. ప్రముఖ డిజిటల్ ఫ్లాట్ ఫామ్ ఆహాలో అన్ స్టాపబుల్ అనే ప్రోగ్రామ్ లో ఆయన యాంకరింగ్ తో ప్రేక్షకుల్ని ఎంటర్ టైన్ చేయడానికి రెడీ అయ్యారు. ఈ ప్రోగ్రామ్ కి సంబంధించిన ప్రోమో రిలీజ్ అయ్యింది. సరదాలో స్టాప్ ఉండదు.
సై అంటే సై.. నై అంటే నై అంటూ బాలయ్య చెప్పే డైలాగ్స్ వినూత్నంగా ఉన్నాయి. అన్ ఫిల్టర్ టాక్ తో రెడీగా ఉన్నట్లు బాలకృష్ణ యాంకరింగ్ ఉంటుందని హింట్ ఇచ్చారు. అలాగే ఈ ప్రోగ్రామ్ కోసం బాలకృష్ణ మేకోవర్ కూడా చాలా స్టైలిష్ గా ఉన్నాయి. దీపావళి రోజు ప్రారంభించబోయే ఈ టాక్ షోకి బాలకృష్ణకు ఎంట్రీ సాంగ్ ని ప్లాన్ చేస్తున్నట్లు సమాచారం. ఈ ప్రోగ్రామ్ ని నవంబర్ 4 నుండి స్టార్ట్ చేయడానికి సన్నాహాలు చేస్తున్నారు.
అలాగే ఈ టాక్ షో కోసం బాలయ్య భారీగా రెమ్యునరేషన్ తీసుకుంటున్నట్లు సినీ వర్గాల్లో టాక్ వినిపిస్తోంది. ప్రస్తుతం బాలకృష్ణ అఖండ అనే సినిమాలో నటిస్తున్నారు. బోయపాటి శ్రీను డైరెక్షన్ లో వస్తున్న ఈ సినిమాలో బాలయ్య బాబు ఓ పాత్రలో అఘోరాగా కనిపిస్తూ ప్రేక్షకుల్ని ఎంటర్ టైన్ చేయడానికి సిద్ధం అవుతున్నారు. మరికొద్ది రోజుల్లో ఈ సినిమాను ప్రేక్షకుల ముందుకు తీసుకువచ్చేందుకు సిద్దంగా ఉన్నారు. ఏది ఏమైనా బాలకృష్ణ డైలాగ్స్ తోపాటు సినీ సెలెబ్రిటీల విశేషాల్ని తన స్టైల్ లో అడిగే టాక్ షోలో బాలకృష్ణ ప్రజంటేషన్ ఎలా ఉంటుందోనని ప్రేక్షకులు ఎంతో ఆసక్తిగా ఎదురుచూస్తున్నారు.
