ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ (AIIMS), న్యూఢిల్లీ నర్సింగ్ ఆఫీసర్ రిక్రూట్మెంట్ కామన్ ఎలిజిబిలిటీ టెస్ట్-10 (NORCET-10) కోసం అధికారిక ప్రకటన విడుదల చేసింది. నర్సింగ్ ఆఫీసర్ (NO) పోస్టుల భర్తీకి సంబంధించిన ఈ సంక్షిప్త నోటిఫికేషన్ ఫిబ్రవరి 13, 2026న విడుదలైంది. మొత్తం 3,000కు పైగా ఖాళీలు ఈ నియామక ప్రక్రియ ద్వారా భర్తీ చేయబడనున్నాయి. ఆన్లైన్ దరఖాస్తు ప్రక్రియ ఫిబ్రవరి 24, 2026 నుంచి ప్రారంభమై మార్చి 16, 2026 వరకు కొనసాగనుంది. అర్హత కలిగిన అభ్యర్థులు అధికారిక వెబ్సైట్ aiimsexams.ac.in ద్వారా మాత్రమే దరఖాస్తు చేయాలి.
ముఖ్యమైన తేదీలు, పరీక్ష షెడ్యూల్..
అధికారిక నోటిఫికేషన్ ప్రకారం, స్టేజ్-1 పరీక్ష ఏప్రిల్ 11, 2026న నిర్వహించబడుతుంది. ఈ పరీక్షలో అర్హత సాధించిన అభ్యర్థులు స్టేజ్-2 పరీక్షకు హాజరవుతారు, అది ఏప్రిల్ 30, 2026న జరుగుతుంది. ఈ రెండు దశల ఫలితాలు వరుసగా ఏప్రిల్ 16, 2026, మే 11, 2026న ప్రకటించబడతాయి.
- నోటిఫికేషన్ విడుదల తేదీ: ఫిబ్రవరి 13, 2026
- ఆన్లైన్ దరఖాస్తు ప్రారంభం: ఫిబ్రవరి 24, 2026
- దరఖాస్తు చివరి తేదీ: మార్చి 16, 2026
- NORCET-10 స్టేజ్-I పరీక్ష: ఏప్రిల్ 11, 2026
- స్టేజ్-I ఫలితాలు: ఏప్రిల్ 16, 2026
- NORCET-10 స్టేజ్-II పరీక్ష: ఏప్రిల్ 30, 2026
- స్టేజ్-II ఫలితాలు: మే 11, 2026
- అభ్యర్థుల వయోపరిమితి లెక్కించడానికి కట్ఆఫ్ తేదీగా మార్చి 16, 2026ని నిర్ణయించారు.
దరఖాస్తు ఫీజు, చెల్లింపు విధానం..
జనరల్, ఓబీసీ అభ్యర్థులకు దరఖాస్తు ఫీజు రూ. 3వేలుగా నిర్ణయించారు. ఎస్సీ, ఎస్టీ, ఈడబ్ల్యూఎస్ అభ్యర్థులు రూ. 2,400 చెల్లించాలి. బెంచ్మార్క్ డిసేబిలిటీస్ (PH/PwD) కలిగిన అభ్యర్థులకు ఫీజు మినహాయింపు ఉంది. ఫీజును కేవలం ఆన్లైన్ మోడ్లో మాత్రమే చెల్లించాలి.
వయోపరిమితి, అర్హతలు..
- అభ్యర్థుల వయస్సు 18 నుండి 30 సంవత్సరాల మధ్య ఉండాలి. ప్రభుత్వ నిబంధనల ప్రకారం వయోపరిమితిలో సడలింపు వర్తిస్తుంది.
- విద్యార్హత పరంగా బీఎస్సీ నర్సింగ్ పూర్తి చేసిన వారు దరఖాస్తు చేయవచ్చు. లేకపోతే జీఎన్ఎం అర్హతతో పాటు రెండు సంవత్సరాల సంబంధిత అనుభవం ఉండాలి.
ఎంపిక విధానం, ఖాళీలు..
- ఎంపిక ప్రక్రియలో రాత పరీక్ష, డాక్యుమెంట్ వెరిఫికేషన్, మెడికల్ ఫిట్నెస్ టెస్ట్ దశలు ఉంటాయి. ప్రతి దశలో అర్హత సాధించిన అభ్యర్థులకే తదుపరి దశకు అవకాశం ఉంటుంది.
- NORCET-10 ద్వారా దేశవ్యాప్తంగా వివిధ AIIMS సంస్థల్లో 3,000కు పైగా నర్సింగ్ ఆఫీసర్ పోస్టులు భర్తీ చేయబడతాయి. పూర్తి వివరాలు, దరఖాస్తు సదుపాయం అధికారిక పరీక్ష పోర్టల్లో అందుబాటులో ఉన్నాయి.
గమనిక: అభ్యర్థులు అధికారిక నోటిఫికేషన్ లేదా వెబ్సైట్ను సందర్శించి సమాచారాన్ని ధ్రువీకరించుకోవాల్సి ఉంటుంది. అప్డేట్స్ కోసం తరచూ సైట్ను విజిట్ చేయాల్సి ఉంటుంది.
స్పందించండి