Suma : బుల్లితెరపై ప్రముఖ యాంకర్ గా కొనసాగుతున్న సుమ కనకాల గురించి ప్రత్యేకంగా చెప్పాల్సిన పనిలేదు. అలాగే రాజీవ్ కనకాల కూడా ప్రముఖ నటుడిగా అందరికీ సుపరిచితమే. రాజీవ్ కనకాల ఎన్నో సినిమాలలో అద్భుతమైన పాత్రలలో నటించి మంచి గుర్తింపు తెచ్చుకున్నారు. అయితే గత కొద్దిరోజుల నుంచి ఆయనకు సరైన పాత్రలు రావడం లేదని చెప్పవచ్చు. తాజాగా శేఖర్ కమ్ముల దర్శకత్వంలో తెరకెక్కిన లవ్ స్టోరీ చిత్రంలో రాజీవ్ కనకాల ఎంతో అద్భుతమైన పాత్రలో నటించిన విషయం మనకు తెలిసిందే.
ఈ క్రమంలోనే లవ్ స్టోరీ సినిమా చూసిన సుమ.. రాజీవ్ కనకాల పాత్ర గురించి సంచలన వ్యాఖ్యలు చేశారు. ఈ సందర్భంగా ఆమె మాట్లాడుతూ.. నటనలో మనల్ని వారి పాత్రలోకి లీనం చేసుకునే నటులు కొంత మంది ఉంటారు. అలాంటి వారిలో నా భర్త రాజీవ్ కనకాల ఒకరు.. అని తెలియజేశారు. అయితే ఈ పాత్రలో నటించడం కోసం ఎంతో కష్టపడి ఉంటాడని ఈ సందర్భంగా సుమ తెలియజేసింది.
https://www.instagram.com/p/CUcuQ2ZpRdS/?utm_source=ig_web_copy_link
ఎంతో అద్భుతమైన సినిమాలను ప్రేక్షకులకు అందించిన డైరెక్టర్ శేఖర్ కమ్ముల, నాగచైతన్యలకు సుమ శుభాకాంక్షలు తెలిపింది. ఇక సాయి పల్లవి డాన్స్ ఎంతో అద్భుతంగా చేసిందని, తన డాన్స్ చూస్తుంటే నా కళ్ళు నొప్పి పుట్టాయని ఈ సందర్భంగా సుమ.. లవ్ స్టోరీ సినిమా గురించి.. తన భర్త రాజీవ్ కనకాల పాత్ర గురించి.. కీలక వ్యాఖ్యలు చేశారు.
