Niharika : చాలా మంది సినీ ఇండస్ట్రీకి చైల్డ్ ఆర్టిస్ట్ లుగా పరిచయం అవుతారు. వారిలో కొంతమంది మాత్రమే మంచి గుర్తింపు తెచ్చుకుని తర్వాత తరానికి హీరో హీరోయిన్స్ గా రంగుల ప్రపంచంలో అడుగు పెడతారు. ఇంకొందరు చైల్డ్ ఆర్టిస్ట్ లుగా ఎంట్రీ ఇచ్చి ఒకటి, రెండు సినిమాలతో కనుమరుగైపోతుంటారు. చేసింది ఒకటి రెండు చిత్రాలు అయినా వారి నటన పరంగా ప్రేక్షకులకు ఎంతగానో దగ్గరవుతారు. వారు నటించిన పాత్ర ప్రేక్షకులకు ఎప్పుడూ గుర్తుంటుంది. ఇప్పుడు మనం చెప్పుకునేది ఒక చిన్నారి గురించి. ఈ పాపని గుర్తుపట్టాలి అంటే మీకు ఒక చిన్న క్లూ.. ఈ చైల్డ్ ఆర్టిస్ట్ వెంకటేష్ నటించిన ప్రేమించుకుందాం రా.. చిత్రంలో పింకీ గాను, కలెక్షన్ కింగ్ మోహన్ బాబు నటించిన యమజాతకుడు చిత్రంలో మేనకోడలుగానూ నటించింది.
అంతేకాకుండా గుణశేఖర్ దర్శకత్వంలో సూపర్ స్టార్ మహేష్ బాబు నటించిన ఒక్కడు చిత్రంలో కూడా నటించి అందరినీ మెప్పించింది. ఒక్కడు చిత్రం అప్పట్లో ఒక సెన్సేషన్ హిట్ ను సాధించింది. ఈ చిత్రంలో మహేష్ బాబు కు జోడీగా భూమిక చావ్లా నటించింది. మణిశర్మ ఈ చిత్రానికి అద్భుతమైన సంగీతాన్ని అందజేశారు. ముకేశ్ రిషి, ప్రకాష్ రాజ్, తెలంగాణ శకుంతల, అజయ్ తదితరులు ప్రధాన పాత్రలు పోషించారు. అంతే కాకుండా ఈ చిత్రంలో ఆ చైల్డ్ ఆర్టిస్ట్ కూడా అందరినీ ఎంతగానో ఆకట్టుకుంది.
ఒక్కడు చిత్రంలో మహేష్ బాబు చెల్లెలిగా ఆశ క్యారెక్టర్లో ఎంతో నాచురల్ గా నటించి మంచి గుర్తింపును సంపాదించుకుంది. ఆమెనే బేబీ నిహారిక. ఈ బేబీ నిహారిక నటనపరంగా ఎంతో మంచి గుర్తింపు సాధించి, ఎన్నో మంచి మంచి అవకాశాలు వచ్చినా నో చెప్పేసింది. తన ఫోకస్ చదువుల పై పెట్టి, ఉన్నత విద్యను పూర్తి చేసింది. ప్రస్తుతం నిహారిక మళ్ళీ చిత్ర పరిశ్రమలోకి అడుగు పెట్టడం కోసం ఫొటోస్ షూట్ తో హడావిడి చేస్తోంది. సోషల్ మీడియాలో తన లేటెస్ట్ ఫోటోస్ ను అప్డేట్ చేస్తూ అప్పుడప్పుడు నిహారిక ఎంతో గ్లామరస్ లుక్ తో అందర్నీ ఆకట్టుకుంటోంది. అంతేకాకుండా ఓ ప్రముఖ దర్శకుడు నిహారికకు అవకాశాలు ఇస్తానని చెప్పినట్లు వార్తలు కూడా వినిపిస్తున్నాయి.
