OTT : ప్రతి వారం మార‌గానే ఓటీటీ యాప్‌లు కొత్త కొత్త మూవీలు, సిరీస్‌ల‌ను రిలీజ్ చేస్తూ సంద‌డి చేస్తున్నాయి. ఇక ఈ వారం కూడా ప‌లు మూవీలు, సిరీస్‌లు విడుద‌ల కానున్నాయి. ఈ క్ర‌మంలోనే వారం మారాక ప్రేక్ష‌కులు కూడా కొత్త సినిమాలు, సిరీస్‌ల కోసం ఎంతో ఆస‌క్తిగా ఎదురు చూస్తున్నారు. ఇక ఈ వారంలో ఓటీటీ యాప్‌ల‌లో స్ట్రీమ్ కానున్న సినిమాలు, సిరీస్‌లు ఏమిటో.. ఇప్పుడు తెలుసుకుందాం.
ఆలియా భ‌ట్ న‌టించిన గంగూబాయి క‌తియ‌వాడి మూవీ ఈ వారం స్ట్రీమ్ కానుంది. సంజ‌య్ లీలా భ‌న్సాలి ఈ చిత్రాన్ని తెర‌కెక్కించారు. ఈ మూవీ ఏప్రిల్ 26 నుంచి నెట్‌ఫ్లిక్స్‌, జీ5ల‌లో స్ట్రీమ్ కానుంది.
ఇక తాప్సీ న‌టించిన మిషన్ ఇంపాజిబుల్ మూవీ బాక్సాఫీస్ వ‌ద్ద పెద్ద‌గా ఆక‌ట్టుకోలేదు. ఈ సినిమాను థ్రిల్ల‌ర్ జోన‌ర్‌లో తెర‌కెక్కించారు. ఇది నెట్‌ఫ్లిక్స్‌లోనే ఏప్రిల్ 29 నుంచి స్ట్రీమ్ అవుతుంది.
టామ్ హాలండ్ న‌టించిన అన్‌చార్టెడ్ ఈ నెల 28వ తేదీ నుంచి బుక్ మై షోలో స్ట్రీమ్ కానుంది. యాక్ష‌న్ అడ్వెంచ‌ర్ జోన‌ర్‌లో దీన్ని తెర‌కెక్కించారు. అలాగే ఒజార్క్ సిరీస్‌లో సీజ‌న్ 4 పార్ట్ 2 ను నెట్‌ఫ్లిక్స్‌లో ప్ర‌సారం చేయనున్నారు. ఏప్రిల్ 29 నుంచి స్ట్రీమ్ అవుతుంది. దీంతోపాటు నెవ‌ర్ కిస్ యువ‌ర్ బెస్ట్ ఫ్రెండ్ సిరీస్‌కు చెందిన సీజ‌న్ 2ను జీ5 లో ఈ నెల 29వ తేదీ నుంచి స్ట్రీమ్ చేయనున్నారు. ఈ వారం ఓటీటీల్లో గంగూబాయి, మిషన్ ఇంపాజిబుల్ త‌ప్ప చెప్పుకోద‌గిన చిత్రాలు ఏమీ లేవ‌నే చెప్పాలి.
ఇక థియేట‌ర్ల‌లో ఈ వారం ప‌లు సినిమాలు సంద‌డి చేయ‌నున్నాయి. రామ్ చ‌ర‌ణ్‌, చిరంజీవి ప్ర‌ధాన పాత్రల్లో తెరకెక్కిన ఆచార్య మూవీ ఈ నెల 29వ తేదీన విడుద‌ల కానుండ‌గా.. స‌మంత, న‌య‌న‌తార, విజ‌య్ సేతుప‌తిలు ప్ర‌ధాన పాత్రల్లో నిర్మించ‌బ‌డిన కాతు వాకుల రెండు కాద‌ల్ మూవీ ఈ నెల 28న విడుద‌ల కానుంది. అలాగే అజ‌య్ దేవ‌గ‌న్‌, అమితాబ్ బ‌చ్చ‌న్‌, ర‌కుల్ ప్రీత్ సింగ్‌లు ప్ర‌ధాన పాత్రల్లో తెరకెక్కిన ర‌న్ వే 34 చిత్రం కూడా ఏప్రిల్ 29వ తేదీనే విడుద‌ల కానుంది.
