హీరో సిద్ధార్థ్ ఈ మధ్య సినిమాలలో తక్కువగా కనిపిస్తున్నప్పటికీ సోషల్ మీడియాలో ఫుల్ జోష్ లో ఉంటాడు. సోషల్ మీడియాలో ఎప్పుడూ యాక్టివ్ గా ఉంటూ బిజెపి అధికారులపై, నరేంద్ర మోడీ పై విమర్శలు చేస్తూ ట్వీట్ చేస్తూ ఉంటారు. సిద్ధార్థ ఈ విధంగా చేసే ట్వీట్లు కొన్నిసార్లు వివాదాలకు దారి తీస్తుంటాయి. ఈ క్రమంలోనే ఓ బిజెపి నాయకురాలు సిద్ధార్థ్ ఫోన్ నెంబర్ ను సోషల్ మీడియా వేదికగా పోస్ట్ చేశారు.
ఈ నేపథ్యంలోనే సిద్ధార్థ్ ఫోన్ కు కొన్ని వందల ఫోన్ కాల్స్ రావడమే కాకుండా అతనిని, తన కుటుంబాన్ని చంపేస్తామంటూ బెదిరింపులు కూడా వచ్చాయి. అయితే సిద్ధార్థ ఆ ఫోన్ కాల్స్ అన్నింటిని రికార్డు చేశానని ఏ ఒక్కరిని వదిలిపెట్టను అంటూ.. వారిపై పోలీసులకు ఫిర్యాదు చేయబోతున్నా అంటూ తెలియజేశారు. హీరో సిద్ధార్థ్ కి ఈ విధంగా బెదిరింపు కాల్స్ రావడంతో తమిళనాడు పోలీసులు అతనికి రక్షణ కల్పించేందుకు రంగంలోకి దిగారు.
తన కుటుంబంలో ఇలాంటి సంఘటనలు జరగడం ఇదే మొదటిసారి కావడంతో ఈ విషయం పట్ల తన తల్లి ఎంతగానో భయపడినట్లు సిద్ధార్థ తెలిపారు. అయితే పోలీసుల నుంచి సామాన్య ప్రజల నుంచి తనకు మద్దతుగా ఉంటామంటూ మెసేజ్లు రావడంతో అవన్నీ తన తల్లికి చూయించి ధైర్యం చెప్పినట్లు తెలుస్తోంది. అయితే తన రక్షణ కోసం కేటాయించిన అధికారులను ప్రస్తుతం ఉన్న పరిస్థితులలో ఇతర విధులకు నిర్వహించుకోవాలని,తనకు రక్షణగా నియమించినందుకు పోలీస్ అధికారులకు సిద్ధార్థ్ ధన్యవాదాలు తెలిపారు.
