వీడియో వైరల్: బుద్ధిగా హోంవర్క్ చేసుకుంటున్న బాలుడు.. ఆగ్రహం వ్యక్తం చేస్తున్న నెటిజన్లు..

స్కూల్ కి వెళ్లే చిన్నారి విద్యాబుద్ధులు నేర్చుకుని ప్రతి రోజూ చక్కగా హోంవర్క్ చేస్తూ మంచి మార్కులు సాధిస్తే ఎవరైనా శబాష్ అంటారు. కానీ ఇలా ఓ కుర్రాడు ఎంతో చక్కగా హోంవర్క్ చేస్తూ ఉన్నప్పటికీ నెటిజన్లు పెద్ద ఎత్తున ఆ కుర్రాడిపై ఆగ్రహం వ్యక్తం చేస్తున్నారు. అదేంటి.. చదువుకున్నా కూడా తిడతారా..? అనేదే కదా మీ సందేహం.. ఈ వీడియో చూస్తే మీరు కూడా ఆ కుర్రాన్ని మందలించడం కరెక్టేనని భావిస్తారు. ఇంతకీ ఆ కుర్రాడు ఏం చేశాడనే విషయానికి వస్తే..

తాజాగా ఓ కుర్రాడికి సంబంధించిన వీడియో సోషల్ మీడియాలో వైరల్ గా మారింది. ఓ తల్లి స్కూటీపై తన ఇద్దరు పిల్లల్ని తీసుకుని ఎంతో వేగంతో వెళ్తోంది. ఈ క్రమంలోనే తన తల్లి వెనుక కూర్చున్న కుర్రాడు స్కూటీ చివరిగా కూర్చుని మధ్యలో ఉన్న ఖాళీ స్థలంలో నోట్ బుక్ పెట్టుకొని హోంవర్క్ రాస్తూ ఉన్న వీడియో ప్రస్తుతం సోషల్ మీడియాలో వైరల్ గా మారింది. ఈ వీడియో చూడడానికి కొంత హాస్యాస్పదంగా ఉన్నప్పటికీ ఏమాత్రం పట్టు తప్పినా పెద్ద ప్రమాదం సంభవించడం ఖాయంగా కనిపిస్తోంది.

ఈ క్రమంలోనే ఈ వీడియోను చూసిన నెటిజన్లు పెద్ద ఎత్తున ఆ కుర్రాడిని మందలించడమే కాకుండా అతడి తల్లిని కూడా తప్పు పడుతున్నారు. ఈ క్రమంలోనే మరికొంత మంది నెటిజన్లు ఈ వీడియోపై స్పందిస్తూ.. ఏ పని ఎక్కడ చేయాలో అక్కడ చేస్తేనే ఎలాంటి ప్రమాదాలు లేకుండా ఉంటాయంటూ కామెంట్లు పెడుతున్నారు.