మొబైల్స్ త‌యారీదారు షియోమీ కొత్తగా ఎంఐ 67డ‌బ్ల్యూ సోనిక్ చార్జ్ 3.0 పేరిట ఓ నూత‌న 67 వాట్ల చార్జ‌ర్‌ను భార‌త్‌లో విడుద‌ల చేసింది. 6ఎ ప‌వ‌ర్ క‌లిగిన ఈ చార్జ‌ర్‌ను యూఎస్‌బీ టైప్ సి పోర్టు ఉన్న ఫోన్లు క‌లిగిన యూజ‌ర్లు వాడుకోవ‌చ్చు. ఇక ఈ చార్జ‌ర్ ద్వారా 5000 ఎంఏహెచ్ బ్యాట‌రీ క‌లిగిన ఫోన్ల‌ను కేవ‌లం 36 నిమిషాల్లోనే 0 నుంచి 100 శాతం వ‌ర‌కు చార్జింగ్ చేసుకోవ‌చ్చు.
అయితే ఈ చార్జ‌ర్‌ను వాడుకోవాలంటే ఫోన్‌కు స‌పోర్ట్ ఉండాలి. అప్పుడే దీన్ని వాడుకోగ‌ల‌రు. ఔట్ పుట్ ప‌వ‌ర్ 15W (5V-3A) / 27W (9V-3A), (20V-1.35A) / 33W (11V-3A) / 67W (20V-3.35A), (11V-6.1A) ఉన్న చార్జ‌ర్లు క‌లిగిన వారు ఈ చార్జ‌ర్‌ను వాడుకోవ‌చ్చు. క్వాల్ కామ్ క్విక్ చార్జ్ 3.0 టెక్నాల‌జీ ఆధారంగా ఈ చార్జ‌ర్ ప‌నిచేస్తుంది.
స్మార్ట్ ఫోన్లు, ట్యాబ్లెట్లు, ల్యాప్‌టాప్‌లు, ఇత‌ర డివైస్‌ల‌ను దీంతో చార్జింగ్ చేసుకోవ‌చ్చు. ఈ చార్జ‌ర్ ధ‌ర రూ.1,999గా ఉంది. దీన్ని ఎంఐ ఆన్‌లైన్ స్టోర్‌తోపాటు ఎంఐ హోమ్ స్టోర్స్‌లో కొనుగోలు చేయ‌వ‌చ్చు. దీనికి 6 నెల‌ల వారంటీ ల‌భిస్తుంది.
