జెన్‌బుక్‌, వివోబుక్ సిరీస్‌లో అసుస్ నుంచి నూత‌న ల్యాప్‌టాప్‌లు

అసుస్ కంపెనీ భార‌త్‌లో జెన్‌బుక్‌, వివోబుక్ సిరీస్‌లో ప‌లు ల్యాప్‌టాప్‌ల‌ను విడుద‌ల చేసింది. వీటి ధ‌ర‌లు రూ.54వేల నుంచి ప్రారంభం అవుతున్నాయి. అన్ని ల్యాప్‌టాప్‌ల‌లోనూ ఏఎండీకి చెందిన లేటెస్ట్ రైజ‌న్ 5000 యు-సిరీస్ ప్రాసెస‌ర్‌ల‌ను ఏర్పాటు చేశారు. ఈ ల్యాప్‌టాప్‌లలో ఓలెడ్ డిస్‌ప్లే ఆప్ష‌న్ కూడా ల‌భిస్తోంది. ఇక వీటిలో జెన్‌బుక్ సిరీస్‌లో UM325UA అనే పేరున్న మోడ‌ల్ ల్యాప్‌టాప్ ప్రీమియం సెజ్‌మెంట్‌లో ల‌భిస్తోంది. ఇందులో ఫుల్ హెచ్‌డీ నానో ఎడ్జ్ ఓలెడ్ డిస్‌ప్లేను ఏర్పాటు చేశారు. ఈ ల్యాప్‌టాప్ గ‌రిష్టంగా 16 గంట‌ల వ‌ర‌కు బ్యాట‌రీ బ్యాక‌ప్‌ను ఇస్తుంది. కేవ‌లం 1.11 కిలోల బ‌రువును మాత్ర‌మే క‌లిగి ఉంటుంది.

అసుస్ కొత్త ల్యాప్‌టాప్‌ల ధ‌ర‌లు ఇలా ఉన్నాయి.

• జెన్ బుక్ 13 ఓలెడ్ (UM325UA) – ధ‌ర రూ.79,990
• వివోబుక్ ఎస్ ఎస్‌14 (M433) – ధ‌ర రూ.65,990
• వివోబుక్ అల్ట్రా కె14, కె15 – ధ‌ర రూ.58,990
• వివోబుక్ ఫ్లిప్ 14 (TM420) – ధ‌ర రూ.59,990
• వివోబుక్ 15 (M515) – ధర రూ.54,990
• వివోబుక్ 17 (M712) – ధ‌ర రూ.62,990

అసుస్‌కు చెందిన వెబ్‌సైట్‌ను సంద‌ర్శించ‌డం ద్వారా ఈ ల్యాప్ టాప్‌ల గురించి మ‌రిన్ని వివ‌రాల‌ను తెలుసుకోవ‌చ్చు. ఇక వీటిని దేశ‌వ్యాప్తంగా ఉన్న అసుస్ రిటెయిల్ స్టోర్స్‌లో విక్ర‌యిస్తున్నారు.