టెలికాం సంస్థ భారతీ ఎయిర్టెల్ కొత్తగా రూ.456కు ఓ ప్రీపెయిడ్ ప్యాక్ను లాంచ్ చేసింది. జియో ఇటీవలే ఎలాంటి రోజువారీ లిమిట్ లేకుండానే కొత్త ప్లాన్లను లాంచ్ చేసిన విషయం విదితమే. అందుకు పోటీగా ఎయిర్టెల్ ఈ ప్లాన్ను ప్రవేశపెట్టింది. ఇందులో లభించనున్న సదుపాయాలు ఇలా ఉన్నాయి.
రూ.456 ప్లాన్ను రీచార్జి చేసుకుంటే 50 జీబీ డేటా ఉచితంగా లభిస్తుంది. దీనికి రోజు వారీ లిమిట్ లేదు. ఈ ప్యాక్ వాలిడిటీని 60 రోజులుగా నిర్ణయించారు. కనుక అప్పటిలోగా డేటాను ఎప్పుడైనా వాడుకోవచ్చు. ఇక ఈ ప్లాన్తో అన్లిమిటెడ్ వాయిస్ కాల్స్ లభిస్తాయి. రోజుకు 100 ఎస్ఎంఎస్లను పొందవచ్చు. దీంతోపాటు అమెజాన్ ప్రైమ్ వీడియో మొబైల్ ఎడిషన్ ఉచిత ట్రయల్ లభిస్తుంది. అలాగే ఎయిర్టెల్ ఎక్స్స్ట్రీమ్ ప్రీమియం, వింక్ మ్యూజిక్ ఉచిత సేవలను పొందవచ్చు. ఫాస్టాగ్పై క్యాష్ బ్యాక్ లభిస్తుంది.
ఈ ప్యాక్ను ఎయిర్టెల్ వెబ్సైట్, యాప్, ఇతర విధానాల్లో రీచార్జి చేసుకుని ఉపయోగించవచ్చు. కాగా జియోలో రూ.447 ప్లాన్లో 50జీబీ డేటా లభిస్తుంది. దీనికి 60 రోజుల వాలిడిటీ ఉంటుంది. రోజువారీ డేటా లిమిట్ లేదు. ఎప్పుడైనా ఎంత డేటాను అయినా వాడుకోవచ్చు. ఈ ప్లాన్లో కస్టమర్లకు అన్లిమిటెడ్ వాయిస్ కాల్స్, రోజుకు 100 ఎస్ఎంఎస్లు లభిస్తాయి.
