Samantha : అక్టోబర్ 2న సమంత – నాగ చైతన్య బంధానికి బ్రేక్ పడిన విషయం తెలిసిందే. అంతకముందు నుండే ఎవరి దారులలో వారు పయనిస్తూ వచ్చారు. అఫీషియల్ ప్రకటన తర్వాత సమంతపై దారుణంగా ట్రోల్స్ నడిచాయి. అవేమీ పట్టించుకోని సామ్ తన ఫ్రెండ్స్తో టూర్స్ వేస్తోంది. ఇటీవల ఆధ్యాత్మిక యాత్ర ముగించుకొని వచ్చిన సమంత.. ఇప్పుడు తన వ్యక్తిగత సిబ్బందితో కలిసి హాలిడే కోసం దుబాయ్ కి వెళ్ళింది.
సమంత తన మేకప్ ఆర్టిస్ట్ సాధనా సింగ్ , స్టైలిస్ట్ జుకల్కర్ ప్రీతమ్ తో కలిసి ఉన్న ఓ ఫోటోను సోషల్ మీడియాలో పంచుకుంది. విడాకుల ప్రకటన తర్వాత కష్ట సమయంలో సాధనా సింగ్ – ప్రీతమ్ – శిల్పారెడ్డి వంటి వారు సామ్ కు సపోర్ట్ గా నిలిచారు. అందుకే వారితో కలిసి సంతోషకరమైన క్షణాలను గడుపుతోంది. అయితే సమంతకు వెంకటేష్ కూతురు ఆశ్రిత కూడా తన వంతు సపోర్ట్ అందిస్తున్నట్టు తెలుస్తోంది.
రీసెంట్గా సమంత.. ఒక పెయింటింగ్ గురించి పోస్ట్ చేస్తూ సూక్తిని చెప్పింది. మీ మనసు మీతో.. పెయింటింగ్ వెయ్యలేను.. అని చెబితే.. అప్పుడే మనం పెయింట్ వేయాలి.. అలా వెంటనే వేయకపోతే లోపల అనుకున్న మాటలు ఆగిపోతాయి.. అని తెలిపింది. ప్రస్తుతం సోషల్ మీడియాలో ఈ పెయింట్ కి సంబంధించిన ఫోటో వైరల్ అవుతోంది. దీనిపై స్పందించిన వెంకీ కూతురు ఆశ్రిత .. ఫ్రీగా పెయింటింగ్ వేసు..కో అంటూ కామెంట్ చేసింది. అలాగే మంచు లక్ష్మికూడా.. ఇంత సరదాగా ఉన్నందుకు హ్యాపీగా ఉందని పేర్కొంది.
