భారతీయ బాక్సాఫీస్ పరిస్థితులు మారుతున్న నేపథ్యంలో ధురంధర్ 2: ది రివెంజ్ చిత్రం ప్రీమియర్ల విషయంలో కొత్త ప్రమాణాలను నెలకొల్పుతోంది. మొదటి భాగం ఘన విజయానంతరం దర్శకుడు ఆదిత్య ధర్ తెరకెక్కించిన ఈ చిత్రం విడుదలకు ముందే రికార్డులను బద్దలు కొడుతూ ముందుకు సాగుతోంది. సాక్నిల్క్ తాజా ట్రాకింగ్ ప్రకారం ధురంధర్ 2: ది రివెంజ్ చిత్రం దేశవ్యాప్తంగా అడ్వాన్స్ బుకింగ్స్లో నిజమైన టికెట్ విక్రయాల ద్వారానే రూ.28.19 కోట్ల భారీ మొత్తాన్ని సాధించింది. బ్లాక్ సీట్ బుకింగ్స్ను కూడా కలిపితే మొత్తం గ్రాస్ వసూళ్లు రూ.32.84 కోట్లకు చేరుకున్నాయి. అదే ట్రేడ్ విశ్లేషకులు అందించిన గ్రౌండ్ స్థాయి అంచనాల ప్రకారం ముంబైలో ప్రారంభ దశ టికెట్లలో ఇప్పటికే సుమారు 50 శాతం అమ్ముడయ్యాయి. హైదరాబాద్లో ప్రీ-సేల్స్ దాదాపు 75 శాతం వరకు చేరుకోగా, బెంగళూరులో అడ్వాన్స్ బుకింగ్స్లో సుమారు 60 శాతం ఆక్యుపెన్సీ నమోదైంది.
1,63,428 టిక్కెట్ల అమ్మకం..
ఇప్పటివరకు అన్ని భాషల్లో కలిపి మొదటి రోజు అడ్వాన్స్ బుకింగ్స్ ద్వారా మొత్తం 1,63,428 టికెట్లు అమ్ముడయ్యాయి. వీటిలో అత్యధికంగా హిందీ 2డీ వెర్షన్కు 1,51,953 కంటే ఎక్కువ టికెట్లు అమ్ముడైనట్లు సమాచారం. ప్రాంతాల వారీగా చూస్తే ఢిల్లీలో అడ్వాన్స్ బాక్సాఫీస్ వసూళ్లు రూ.1.61 కోట్లుగా నమోదయ్యాయి. మహారాష్ట్రలో రూ.2.34 కోట్లు, కర్ణాటకలో రూ.1.75 కోట్ల వసూళ్లు నమోదయ్యాయి. ఇతర ప్రధాన నగరాల్లో అడ్వాన్స్ బుకింగ్స్ ద్వారా వచ్చిన వసూళ్లు రూ.35 లక్షల లోపే ఉన్నాయి. ధురంధర్ 2: ది రివెంజ్ చిత్రానికి ఉన్న భారీ హైప్, ప్రారంభ బుకింగ్స్ను పరిశీలిస్తే ఈ చిత్రం ఆల్టైమ్ పాన్-ఇండియన్ భారీ చిత్రాల ప్రీమియర్ రికార్డులను సవాల్ చేస్తున్నట్లు కనిపిస్తోంది. ముఖ్యంగా యానిమల్, జవాన్, పుష్ప 2, కేజీఎఫ్ 2, బాహుబలి 2 వంటి చిత్రాల రికార్డులను ఈ చిత్రం లక్ష్యంగా చేసుకున్నట్లు అర్థమవుతోంది.
బాహుబలి 2ను దాటుతుందా..
ప్రస్తుతం ఉత్తర అమెరికా ప్రీమియర్లలో ఆల్టైమ్ రికార్డు బాహుబలి 2దే. ఆ చిత్రం అక్కడ 4.3 మిలియన్ డాలర్ల వసూళ్లతోపాటు దేశీయ మార్కెట్లో సుమారు రూ.37.53 కోట్ల గ్రాస్ను సాధించింది. అయితే సాక్నిల్క్ సమాచారం ప్రకారం ధురంధర్ 2 ఇప్పటికే అమెరికా ప్రీమియర్ల ద్వారా 1.31 మిలియన్ డాలర్ల గ్రాస్ను దాటింది. దీంతో రణవీర్ సింగ్ ప్రధాన పాత్రలో నటించిన ఈ చిత్రం భారతీయ ప్రీమియర్ గ్రాస్ వసూళ్లలో యానిమల్ (రూ.29.25 కోట్లు), జవాన్ (రూ.37.24 కోట్లు), పుష్ప 2: ది రూల్ (రూ.37.30 కోట్లు), కేజీఎఫ్: చాప్టర్ 2 (రూ.40.65 కోట్లు) వంటి చిత్రాల రికార్డులను అధిగమించే దిశగా దూసుకెళ్తోంది. అలాగే ఉత్తర అమెరికా ప్రవాస భారతీయుల మార్కెట్లో కూడా ఈ చిత్రం భారీ వసూళ్లు సాధించే అవకాశాలు కనిపిస్తున్నాయి.
