Samantha : ఏం మాయ చేశావే సినిమా ద్వారా తెలుగు ప్రేక్షకులకు పరిచయమైన సమంత ఎన్నో అద్భుతమైన చిత్రాల్లో నటించి విశేష ప్రేక్షకాదరణ దక్కించుకుంది. నాగచైతన్యను వివాహం చేసుకొని ఎంతో సంతోషంగా ఉన్న సమంత కొన్ని కారణాల వల్ల విడాకులు తీసుకుంటామని ప్రకటన చేసింది. ఇక సమంత విడాకుల ప్రకటన అనంతరం పలు సినిమాలకు గ్రీన్ సిగ్నల్ ఇస్తూ ఎంతో బిజీగా ఉంది.
సమంత త్వరగా చైతన్య జ్ఞాపకాల నుంచి బయట పడి పూర్తిగా తన దృష్టిని తన తదుపరి సినిమాలపై పెట్టింది. అలాగే తన శరీర ఫిట్నెస్పై దృష్టిసారించినట్లు గమనించవచ్చు. ఈ క్రమంలోనే ఎక్కువ సమయం జిమ్ లో గడుపుతూ భారీ కసరత్తులు చేస్తోంది. జిమ్లో చెమటలు కక్కేలా కష్టపడుతున్నటు వీడియోను సోషల్ మీడియాలో పోస్ట్ చేయడంతో ఈ వీడియో వైరల్ గా మారింది.
ఇక సమంత విడాకుల ప్రకటన తర్వాత డ్రీమ్ వారియర్ పిక్చర్స్, శ్రీదేవి మూవీస్ బ్యానర్ పై రెండు చిత్రాలు చేయనున్నట్లు అధికారికంగా వెల్లడించారు. ఈమె నటించిన శాకుంతలం సినిమా విడుదలకు సిద్ధంగా ఉంది. విడాకుల ప్రకటన తర్వాత సమంత తన రెమ్యూనరేషన్ ను భారీగా పెంచినట్లు వార్తలు వస్తున్నాయి. విడాకుల తరువాత సమంత పూర్తిగా తన కెరీర్ పై దృష్టి పెట్టడంతో భారీ వర్కౌట్స్ చేస్తూ తన శరీరాన్ని ఫిట్ గా ఉంచడం కోసం ప్రయత్నిస్తోంది.
స్పందించండి