Samantha : నాగ చైతన్య నుండి విడాకులు తీసుకొని సినిమాలతో క్షణం తీరిక లేకుండా మారింది సమంత. ఈ ముద్దుగుమ్మ చిత్రానికి సంబంధించి ఇటీవల అఫీషియల్ ప్రకటన విడుదల కాగా, ఈ చిత్రానికి యశోద అనే టైటిల్ ను ఫిక్స్ చేశారు. సమంత ప్రధాన పాత్రలో శ్రీదేవి మూవీస్ పతాకంపై ప్రొడక్షన్ నంబర్ 14గా శివలెంక కృష్ణప్రసాద్ నిర్మిస్తున్న ఈ సినిమాను తెలుగు, తమిళం, కన్నడ, మలయాళంతోపాటు హిందీ భాషలోనూ తెరకెక్కిస్తున్నారు.
అయితే అక్టోబర్ 2న నాగ చైతన్య – సమంత విడిపోతున్నట్టు ప్రకటించారు. విడిపోవడానికి కారణాలు మాత్రం చెప్పలేదు. సమంత, నాగ చైతన్య విడాకుల ప్రకటన తర్వాత ఓ నెలంతా వీరి విడాకుల అంశంపైనే సోషల్ మీడియా వేదికగా చర్చ జరిగింది. ఆ సంగతి పక్కన పెడితే నాగ చైతన్యతో డైవోర్స్ అనంతరం సమంత సోషల్ మీడియాలో మరింత యాక్టివ్ గా మారింది. తనపై వస్తున్న ట్రోలింగ్స్కు గట్టిగానే సమాధానం ఇస్తోంది.
తాజాగా ఓ నెటిజన్ సమంతను దారుణంగా దుర్బాషలాడాడు. విడాకులు తీసుకున్న ఓ సెకండ్ హ్యాండ్ ఐటమ్ అంటూ దారుణంగా దూషించాడు. అంతేకాకుండా జెంటిల్మన్ (నాగ చైతన్య) నుంచి అప్పనంగా రూ. 50కోట్లు దోచుకుందంటూ ట్వీట్ చేశాడు. దీనిపై స్పందించిన సమంత.. నిన్ను ఆ దేవుడు చల్లగా దీవించుగాక.. అంటూ తనదైన స్టైల్లో సమాధానమిచ్చింది. ప్రస్తుతం దీనికి సంబంధించిన ట్వీట్ సోషల్ మీడియాలో వైరల్గా మారింది.
