RGV Missing : ఆర్జీవీ మిస్సింగ్ ట్రైల‌ర్.. ప‌వ‌న్, చిరు, చంద్ర‌బాబుల‌ని.. భ‌లే టార్గెట్ చేశాడుగా..!

RGV Missing : సంచ‌ల‌న ద‌ర్శ‌కుడు రామ్ గోపాల్ వ‌ర్మ సెన్సేష‌న్స్ క్రియేట్ చేసేందుకు ఎక్కువ‌గా ఇష్ట‌ప‌డుతుంటారు. తాజ‌గా ఆయ‌న ఆర్జీవీ మిస్సింగ్ చిత్రంతో ప్రేక్ష‌కుల‌ని ఎంట‌ర్‌టైన్ చేసేందుకు రెడీ అయ్యారు. అప్పుడెప్పుడో ఈ సినిమాని తెర‌పైకి తీసుకురాగా, మ‌ధ్య‌లో కొన్నాళ్లు పెండింగ్‌లో పెట్టారు. ఇప్పుడు ట్రైలర్ విడుద‌ల చేసి తిరిగి వార్త‌ల‌లోకి ఎక్కారు. వర్మను మెగా ఫ్యామిలీ, మాజీ సీఎం, అతడి కొడుకు కిడ్నాప్‌ చేశారనే కోణంలో ఈ సినిమాను తీసినట్లు.. ఈ ట్రైలర్‌ చూస్తే అర్థమవుతోంది.

వర్మ మిస్సయిన ఘటనకు సంబంధించిన కథతో ఈ సినిమాను తెరకెక్కిస్తున్నారు. తాజాగా విడుదల చేసిన ఈ ట్రైలర్‌లో పలువురు టాలీవుడ్‌ స్టార్లు, పలువురు రాజకీయ ప్రముఖుల్ని పోలిన నటులు ఉన్నారు. వర్మ క్రియేట్ చేసిన ‘ఆర్జీవీ మిస్సింగ్’ చిత్రానికి అదిర్ వర్మ దర్శకత్వం వహిస్తుండగా.. కేవీ ప్రొడక్షన్స్ బ్యానర్ పై చటర్జీ నిర్మిస్తున్నారు.

ఆర్జీవీ మిస్ అయ్యాడనే షాకింగ్ విషయాన్ని తెలుసుకున్న ఆర్జీవీ సిబ్బంది.. పోలీసులకు ఫిర్యాదు చేస్తారు. అ​యితే పోలీసులు దీన్ని కాంట్రవర్షియల్ డైరెక్టర్ ఆర్జీవీ పబ్లిసిటీ స్టంట్‌గా భావించి లైట్ తీసుకుంటారు. కానీ అదే నిజమని నిర్ధారణ అవుతుంది.

ఆ తర్వాత ముగ్గురిని నిందితులుగా భావించిన పోలీసులు కేసు దర్యాప్తును ముమ్మరం చేస్తారు. వారి విచారణలో షాకింగ్ విషయాలను తెలుసుకుంటారు. ఈ విధంగా కథ సాగుతుంది. ఈ ట్రైలర్‌ ఆద్యంతం ఆసక్తిని రేకెత్తిస్తోంది. అయితే వర్మ ఈ సినిమాను ఓటీటీలో విడుదల చేయనున్నారు.