Babu Gogineni : అర్థం ప‌ర్థం లేని సినిమా ఆర్ఆర్ఆర్.. బాబు గోగినేని తీవ్ర విమ‌ర్శ‌లు.. ఫ్యాన్స్ ఆగ్ర‌హం..

Babu Gogineni : ప్ర‌ముఖ విశ్లేష‌కుడు, త‌త్వ‌వేత్త, నాస్తికుడు బాబు గోగినేని ఈ మ‌ధ్య‌కాలంలో త‌ర‌చూ వార్త‌ల్లో నిలుస్తున్నారు. ముఖ్యంగా ఇటీవ‌ల విడుద‌ల‌వుతున్న సినిమాల‌పై ఆయ‌న చేస్తున్న వ్యాఖ్య‌లు వివాదాస్ప‌దం అవుతున్నాయి. ఈ క్ర‌మంలోనే తాజాగా ఆయ‌న ఆర్ఆర్ఆర్ మూవీపై త‌న దైన‌శైలిలో రివ్యూ ఇచ్చారు. ఇంత‌కీ ఈ మూవీపై అస‌లు ఆయ‌న ఏమ‌న్నారో ఇప్పుడు చూద్దాం.

రాజ‌మౌళి తెర‌కెక్కించిన ఆర్ఆర్ఆర్ సినిమాకు ప్ర‌పంచ‌వ్యాప్తంగా అనేక మంది ప్ర‌శంస‌లు ల‌భిస్తున్నాయి. ఇందులో న‌టించిన రామ్ చ‌ర‌ణ్‌, ఎన్‌టీఆర్‌ల‌ను ఆకాశానికెత్తేస్తున్నారు. అయితే ప్ర‌ముఖ విమ‌ర్శ‌కుడు బాబు గోగినేని మాత్రం ఆర్ఆర్ఆర్ సినిమాను తీవ్రంగా విమ‌ర్శించారు. ఈ సినిమాను చాలా గ్రాండ్‌గా తీశారు కానీ.. ఇందులో క‌థ అస‌లు ఏమీ లేద‌ని అన్నారు. ఒక మూవీని చరిత్ర‌గా నిల‌ప‌డం కోసం చాలా క‌ష్ట‌ప‌డ్డారు కానీ.. వారి ప్ర‌య‌త్నం ఫ‌లించ‌లేద‌న్నారు. హీరోలిద్ద‌రి మ‌ధ్య సంబంధాలు పేల‌వంగా ఉన్నాయ‌ని, అస‌లు గుర్తుండి పోయే డైలాగ్ ఒక్క‌టి కూడా లేద‌ని అన్నారు. ఇక క‌థ చాలా నాసిర‌కంగా ఉంద‌ని.. ఇందులో మ‌హిళ‌ల పాత్ర‌ల‌కు పెద్ద‌గా ప్రాధాన్య‌త లేకుండా పోయింద‌ని అన్నారు. కామెడీ లేద‌ని, లాజిక్ అస‌లే లేద‌ని, పాట‌ల‌కు అర్థం ప‌ర్థం లేద‌ని.. ఆర్ఆర్ఆర్ సినిమాపై బాబు గోగినేని తీవ్ర విమ‌ర్శ‌లు చేశారు.

అయితే ఈ మూవీలో ర‌క్త‌పాతం ఎక్కువ‌గా ఉంది క‌నుక చిన్న‌పిల్ల‌ల‌కు ఈ సినిమాను అస‌లు చూపించ‌వ‌ద్ద‌ని బాబు గోగినేని కోరారు. కాగా ఆయ‌న విమ‌ర్శ‌ల‌పై ఫ్యాన్స్ మండిప‌డుతున్నారు. నీ ప‌ని నువ్వు చేసుకో.. నీకు సినిమా తీయ‌డం చేత‌కాదు.. ఇత‌రులు తీసే సినిమాల‌పై విమ‌ర్శ‌లు చేయ‌కు.. వీలుంటే సినిమాను తీసి చూపించు.. అంటూ ఫ్యాన్స్ ఆగ్ర‌హం వ్య‌క్తం చేస్తూ కామెంట్లు పెడుతున్నారు.