Balakrishna : నందమూరి బాలకృష్ణ పేరు చెబితేనే ఫ్యాన్స్కు పూనకాలు వస్తాయి. ఆయన సినిమా వస్తుందంటే ఎంతో ఆసక్తిగా ఎదురు చూస్తుంటారు. ఇక సినిమా విడుదల రోజు అభిమానులు పండుగ చేసుకుంటారు. అయితే నందమూరి బాలకృష్ణ ఓ కీలక నిర్ణయం తీసుకున్నట్లు తెలుస్తోంది. అది అభిమానులకు గుడ్ న్యూస్ అని చెప్పవచ్చు.
బాలకృష్ణ ఓ ఓటీటీ షోలో కనిపించేందుకు సిద్ధమవుతున్నట్లు తెలుస్తోంది. అందుకు గాను ఆయన కీలక నిర్ణయం తీసుకున్నారని సమాచారం. ఇప్పటికే ఓ స్ట్రీమింగ్ యాప్ సంస్థలో బాలయ్య మాట్లాడుతున్నారని.. అంతా ఓకే అయితే త్వరలోనే ఆయన సదరు స్ట్రీమింగ్ సంస్థకు చెందిన ఓటీటీ షోలో సందడి చేస్తారని తెలుస్తోంది.
ఇక బాలకృష్ణ ప్రస్తుతం దర్శకుడు బోయపాటి శ్రీనుతో అఖండ పేరిట ఓ భారీ సినిమా చేస్తున్నారు. ఈ మూవీ అతిత్వరలోనే ప్రేక్షకుల ముందుకు రానుంది. ఏది ఏమైనా బాలకృష్ణ ఓటీటీల్లో కనిపిస్తే మాత్రం ఫ్యాన్స్కు సందడిగా ఉంటుందని చెప్పవచ్చు.
