moto e40 : మొబైల్స్ తయారీదారు మోటోరోలా ఇ40 పేరిట ఓ నూతన స్మార్ట్ ఫోన్ ను భారత్లో విడుదల చేసింది. ఇందులో పలు ఆకట్టుకునే ఫీచర్లను అందిస్తున్నారు. ఈ ఫోన్లో 6.5 ఇంచుల హెచ్డీ ప్లస్ రిజల్యూషన్ కలిగిన మాక్స్ విజన్ డిస్ప్లేను ఏర్పాటు చేశారు. దీనికి 90 హెడ్జ్ రిఫ్రెష్ రేట్ను అందిస్తున్నారు. అందువల్ల డిస్ప్లే క్వాలిటీగా ఉంటుంది.
ఇక ఈ ఫోన్లో యూనిసోక్ టి700 ప్రాసెసర్ను అమర్చారు. 4జీబీ వరకు ర్యామ్ లభిస్తుంది. వెనుక వైపు 48 మెగాపిక్సల్ మెయిన్ కెమెరా ఉండగా.. మరో 2 మెగాపిక్సల్ డెప్త్ సెన్సార్, 2 మెగాపిక్సల్ మాక్రో కెమెరాలను ఏర్పాటు చేశారు. ముందు వైపు 8 మెగాపిక్సల్ కెమెరా ఉంది.
4జీబీ ర్యామ్, 64జీబీ స్టోరేజ్ ఆప్షన్లో ఈ ఫోన్ విడుదలైంది. మెమోరీని కార్డు ద్వారా 1 టీబీ వరకు పెంచుకోవచ్చు. డ్యుయల్ సిమ్, ఆండ్రాయిడ్ 11 ఓఎస్ను అందిస్తున్నారు. ఫింగర్ ప్రింట్ సెన్సార్ ను వెనుక వైపు ఏర్పాటు చేశారు. 4జీ వీవోఎల్టీఈ, బ్లూటూత్ 5.0, యూఎస్బీ టైప్ సి, 5000 ఎంఏహెచ్ బ్యాటరీ, ఫాస్ట్ చార్జింగ్ ఫీచర్లను ఈ ఫోన్లో అందిస్తున్నారు.
మోటో ఇ40 స్మార్ట్ ఫోన్ పింక్ క్లే, కార్బన్ గ్రే కలర్ ఆప్షన్లలో విడుదల కాగా.. ఈ ఫోన్ రూ.9,499 ధరకు అక్టోబర్ 17వ తేదీ నుంచి లభ్యం కానుంది.
