Liger Movie Trailer : గూస్ బంప్స్ తెప్పిస్తున్న లైగ‌ర్ ట్రైల‌ర్‌.. దుమ్ము లేపారుగా..!

Liger Movie Trailer : పూరీ జ‌గ‌న్నాథ్, విజ‌య్ దేవ‌ర‌కొండ కాంబినేష‌న్‌లో తెర‌కెక్కుతున్న మూవీ.. లైగ‌ర్‌. ఈ మూవీ కోసం ప్రేక్ష‌కులు ఎంతో ఆస‌క్తిగా ఎదురు చూస్తున్నారు. ఇందులో బాలీవుడ్ బ్యూటీ అన‌న్య పాండే విజ‌య్ స‌ర‌స‌న న‌టించింది. అలాగే అంత‌ర్జాతీయ బాక్సింగ్ దిగ్గ‌జం మైక్ టైస‌న్ ఈ మూవీలో కీల‌క పాత్ర పోషించారు. ఈ క్ర‌మంలోనే మూవీపై అంచ‌నాలు భారీగా పెరిగిపోయాయి. ఇక ఈ మూవీకి సంబంధించిన ట్రైల‌ర్‌ను కొంత సేప‌టి క్రిత‌మే విడుద‌ల చేశారు. ఈ క్ర‌మంలోనే ట్రైల‌ర్ దుమ్ము లేపింద‌ని ఫ్యాన్స్ అంటున్నారు. ట్రైల‌ర్‌ను చూస్తుంటే గూస్ బంప్స్ వ‌స్తున్నాయ‌ని అంటున్నారు.

లైగ‌ర్ మూవీని పూరీ జ‌గ‌న్నాథ్ స్వ‌యంగా నిర్మించారు. పూరీ క‌నెక్ట్స్ బ్యాన‌ర్‌పై పూరీ జ‌గ‌న్నాథ్, చార్మిలు ఈ మూవీని నిర్మించ‌గా.. ఇందులో బాలీవుడ్ ద‌ర్శ‌క నిర్మాత క‌ర‌ణ్ జోహార్ కూడా భాగ‌మ‌య్యారు. హిందీ హ‌క్కుల‌ను ఆయ‌న కొన్నారు. ధ‌ర్మ ప్రొడ‌క్ష‌న్స్ కూడా ఈ మూవీ నిర్మాణంలో భాగ‌స్వామ్యం అయింది. ఇక ర‌మ్య‌కృష్ణ ఇందులో విజ‌య్‌కి త‌ల్లిగా న‌టించిన‌ట్లు ట్రైల‌ర్‌ను చూస్తే అర్థ‌మ‌వుతోంది. ఇందులో మాస్ ప్రేక్ష‌కుల‌ను ఆక‌ట్టుకునే డైలాగ్స్ అనేకం ఉన్నాయి. అలాగే విజ‌య్ మానరిజం కూడా అద్భుతంగా ఉంది. గ‌త చిత్రాలతో పోలిస్తే విజ‌య్ ఈ మూవీలో పూర్తిగా భిన్న‌మైక లుక్‌లో క‌నిపించాడు. ఇందులో విజ‌య్ బాక్సింగ్ చాంపియ‌న్‌గా న‌టిస్తున్న‌ట్లు ట్రైల‌ర్‌ను చూస్తే అర్థ‌మ‌వుతోంది.

ఇక లైగ‌ర్ మూవీ ఆగస్టు 25వ తేదీన రిలీజ్ అయ్యేందుకు సిద్ధ‌మ‌వుతుండ‌గా ఈ మ‌ధ్యే ఈ చిత్రంలోని విజ‌య్ లుక్‌కు చెందిన పోస్ట‌ర్‌ను లాంచ్ చేశారు. అందులో విజ‌య్ న్యూడ్‌గా క‌నిపించాడు. దీంతో ఆ ఫొటోపై అనేక ట్రోల్స్ వ‌చ్చాయి. ఇక చిత్రంలో మైక్ టైస‌న్‌తో సెల్ఫీ దిగ‌డ‌మే సినిమా క‌థ అని ఒక‌టి సోష‌ల్ మీడియాలో ప్రచారం అవుతోంది. ఇందులో నిజం ఎంత ఉంది.. అన్న‌ది తెలియాలంటే సినిమా రిలీజ్ అయ్యే వ‌ర‌కు వేచి చూడాల్సిందే.