Junior NTR : జూనియ‌ర్ ఎన్టీఆర్‌కు ఇష్ట‌మైన వంట‌కం ఏదో తెలుసా ? ఆశ్చ‌ర్య‌పోతారు..!

Junior NTR : నంద‌మూరి తార‌క రామారావు.. ఈ పేరు గురించి తెలుగు ప్రేక్ష‌కుల‌కు ప్ర‌త్యేకంగా చెప్పాల్సిన ప‌నిలేదు. ఈ పేరు వెనుక ఎంత‌టి చ‌రిత్ర ఉందో అంద‌రికీ తెలుసు. పార్టీ పెట్టిన 9 నెల‌ల్లోనే సీఎం అయిన ఘ‌న‌త సీనియ‌ర్ ఎన్టీఆర్‌ది. ఆయ‌న సినిమాల ద్వారా కూడా ఎంతో మంది అభిమానుల‌ను సంపాదించుకున్నారు. ఇప్ప‌టికీ ఆయ‌న సినిమాలు టీవీల్లో వ‌స్తుంటే ప్రేక్ష‌కులు ఎంతో ఆస‌క్తిగా వీక్షిస్తుంటారు. ఇక ఆయ‌న మ‌న‌వ‌డిగా ఆయన పేరే పెట్టుకున్న జూనియ‌ర్ ఎన్టీఆర్ గురించి కూడా ప్ర‌త్యేకంగా చెప్పాల్సిన ప‌నిలేదు.

తాత లాగే మ‌న‌వ‌డు కూడా సినిమాల్లో రాణిస్తూ అద‌ర‌గొడుతున్నాడు. ఇటీవ‌లే ఆర్ఆర్ఆర్ మూవీ ద్వారా ప్రేక్ష‌కుల‌ను అల‌రించాడు. భీమ్ పాత్ర‌లో జూనియ‌ర్ ఎన్‌టీఆర్ ఒదిగిపోయాడు. ఇదేకాదు.. త‌న సినిమా కెరీర్‌లో ఈయ‌న ఎన్నో అద్భుత‌మైన చిత్రాలు చేశారు. అయితే పేర్లు ఒక్క‌టే అయిన‌ప్ప‌టికీ సీనియ‌ర్‌, జూనియ‌ర్ ఎన్‌టీఆర్‌ల రుచులు మాత్రం వేరే. ఈ ఇద్ద‌రూ భిన్న ర‌కాల వంట‌కాల‌ను ఇష్ట‌ప‌డ‌తారు.

సీనియ‌ర్ ఎన్‌టీఆర్‌కు మాగాయ అంటే ప్రాణం. దాంతో ఆయ‌న ఎంతైనా తినేవారు. ముఖ్యంగా త‌న సొంత గ్రామం నిమ్మ‌కూరు నుంచి పంపించే మాగాయ అంటే సీనియ‌ర్ ఎన్టీఆర్ ఎంతో ఇష్టంగా తింటారు. షూటింగ్ స‌మ‌యాల్లోనూ సెట్‌లో ఉన్న‌వారికి ప్ర‌త్యేకంగా ఈ ప‌చ్చ‌డిని తెప్పించి భోజ‌నం పెట్టించేవార‌ట‌.

ఇక జూనియర్ ఎన్‌టీఆర్‌కు అయితే నాటుకోడి పులుసు, గారెలు అంటే ఎంతో ఇష్టం. ఈ విష‌యాన్ని ఎన్టీఆరే స్వ‌యంగా ఓ కార్య‌క్ర‌మంలో వెల్ల‌డించారు. అప్ప‌ట్లో ఓ చాన‌ల్ కార్య‌క్ర‌మంలో పాల్గొన్న జూనియ‌ర్ ఎన్‌టీఆర్ ఈ విష‌యాన్ని స్వ‌యంగా చెప్పారు. త‌న‌కు నాన్‌వెజ్ అంటే ఇష్ట‌మ‌ని.. ఇంట్లో బిర్యానీని తాను ప‌ర్ఫెక్ట్‌గా వండుతాన‌ని కూడా చెప్పారు. అంతేకాదు.. బిగ్‌బాస్‌లో జూనియ‌ర్ ఎన్టీఆర్ హోస్ట్‌గా చేసిన‌ప్పుడు షో ముగింపు రోజుల్లో ఒక ఎపిసోడ్‌లో భాగంగా ఇంటి స‌భ్యుల‌కు స్వ‌యంగా బిర్యానీ వండి కూడా పెట్టారు. ఇలా ఇద్దరు ఎన్టీఆర్‌లూ భోజ‌న ప్రియులే. కానీ వీరు వేర్వేరు వంట‌లు అంటే ఇష్ట‌ప‌డేవారు.