Janhvi Kapoor : అందాల తార శ్రీదేవి కూతురు జాన్వీ కపూర్ గురించి ప్రత్యేకంగా చెప్పాల్సిన పనిలేదు. తన తల్లి వారసత్వాన్ని అందిపుచ్చుకున్న ఈమె ప్రస్తుతం బాలీవుడ్ ఇండస్ట్రీలో వరుస చిత్రాలతో దూసుకుపోతోంది. ఇలా వరుస సినిమాలతో ఎంతో బిజీగా ఉన్న జాన్వీకపూర్ తనకు సంబంధించిన గ్లామర్ ఫోటోలతో సోషల్ మీడియాను షేక్ చేస్తుంటుంది. నిత్యం గ్లామరస్ ఫోటోలతో సందడి చేసే జాన్వీకపూర్ మొట్టమొదటిసారిగా సాంప్రదాయబద్ధంగా పట్టు చీర కట్టుకొని కుందనపు బొమ్మలా ఉన్న ఫోటోలను సోషల్ మీడియాలో షేర్ చేయడంతో ఈ ఫోటోలు సోషల్ మీడియాలో చక్కర్లు కొడుతున్నాయి.
జాన్వీ కపూర్ తన 25వ పుట్టినరోజు వేడుకలను ఎంతో ఘనంగా జరుపుకుంది. ఈ క్రమంలోనే సోషల్ మీడియా వేదికగా అభిమానులు పెద్ద ఎత్తున ఆమెకు పుట్టిన రోజు శుభాకాంక్షలు తెలియజేశారు. ముంబై ఎయిర్ పోర్ట్ లో ఓ అభిమాని ఏకంగా ఈ ముద్దుగుమ్మతో కేక్ కట్ చేయించారు. ఈ ఘటనకు సంబంధించిన వీడియో సోషల్ మీడియాలో వైరల్ గా మారింది. ఇదిలా ఉండగా జాన్వీకపూర్ తన 25వ పుట్టినరోజు వేడుకల కోసం తిరుపతికి వచ్చింది.
ఈ క్రమంలోనే తిరుమల తిరుపతి శ్రీవారి సన్నిధికి చేరుకున్న ఈమె స్వామివారిని దర్శించుకుంది. అచ్చమైన తెలుగింటి ఆడపడుచులా పట్టు చీర కట్టుకొని బాపుబొమ్మలా ఉన్న జాన్వీ కపూర్ తన స్నేహితులతో కలిసి తిరుమల శ్రీవారిని దర్శించుకుంది. ఈ క్రమంలోనే ఈమె ఈ ఫోటోలను సోషల్ మీడియాలో షేర్ చేస్తూ ‘ॐ శ్రీ వేంకటేశ్వరాయే నమో నమః శ్రీమన్ నారాయణ నమో నమః తిరుమల తిరుపతి నమో నమః’ అంటూ క్యాప్షన్ పెడుతూ ఆ ఫోటోలను షేర్ చేసింది. ప్రస్తుతం ఈ ఫోటోలు సోషల్ మీడియాలో వైరల్ గా మారాయి.
స్పందించండి