Bigg Boss 5 : బాబోయ్‌.. అంద‌రూ చూస్తుండ‌గానే ప్రియాంక‌కి అలా ముద్దు పెట్టేశాడేంటి ?

Bigg Boss 5 : బిగ్ బాస్ హౌజ్‌లో హౌజ్‌మేట్స్ మ‌ధ్య ఏం జ‌రుగుతుందో ఎవ‌రికీ అర్ధం కావ‌డం లేదు. కొట్లాట‌లు, గొడ‌వ‌లు, ప్రేమ‌లు.. ఇలా ఒక‌టేంటి ఎన్నో ఎమోష‌న్స్ క‌నిపిస్తున్నాయి. అయితే హౌస్‌లో కెప్టెన్సీ కంటెండ‌ర్ టాస్క్‌ సుదీర్ఘంగా సాగ‌గా, ‘సూపర్‌ హీరోస్‌ vs సూపర్‌ విలన్స్‌’ పోటీలో తమ జట్టును గెలిపించుకునేందుకు హౌస్‌మేట్స్‌ అందరూ బాగా కష్టపడ్డారు.

మెరుపు శ‌క్తిని ద‌క్కించుకొని సూప‌ర్ విల‌న్స్ జ‌ట్టు సంబ‌రాల‌లో మునిగిపోగా, ఆ టీం స‌భ్యుడు జెస్సీని ప్రియాంక అభినందించగా అతడేమో ముద్దు పెట్టాడు. దీంతో ప్రియాంక అవాక్కైంది. జెస్సీ ఒక్కసారిగా తనని ముద్దాడే సరికి షాక్ అయ్యింది ప్రియాంక. ఆమెను చూసి శ్రీరామ్ పెద్దగా నవ్వడం మొదలుపెట్టాడు. ఏంటీ ముద్దు పెట్టేశాడా? అని సన్నీ అడగ్గా.. ‘ఛీ.. నేను ఎందుకు పెడతాను.. వాడే పెట్టాడు.. కంగ్రాట్స్ అని కిందికి వంగాను.. ఫటక్‌ అని ముద్దు పెట్టేశాడు’ అని చెప్పి తెగ మురిసిపోయింది.

జ‌శ్వంత్ ముద్దు పెట్టాడ‌ని ఆమెకు కోపం ఏమాత్రంలేదు. నోటికి చేయి అడ్డు పెట్టుకొని కాసేపు హ‌డావిడి చేసింది. మ‌రోవైపు తాను మాన‌స్ ప్రేమ‌లో ఉన్నానంటూ చెప్పుకొచ్చింది. మాన‌స్ కూడా త‌న‌ను ఇష్ట‌ప‌డుతున్నాడంటూ పేర్కొంది. ఇదే విష‌యాన్ని సిరితో కూడా డిస్క‌స్ చేసింది. చూస్తుంటే ఏదో రోజు వీరు స‌ర్‌ప్రైజింగ్ న్యూస్ చెప్ప‌బోతున్నార‌ని అర్ధ‌మ‌వుతోంది.