Bigg Boss 5 : అరియానాకి ప్రపోజ్ చేసిన జెస్సీ.. చూడగానే పడిపోయాను.. అంటూ షాకింగ్ కామెంట్స్!

Bigg Boss 5 : బిగ్ బాస్ హౌస్ లోకి కంటెస్టెంట్ గా వెళ్లిన మోడల్ జెస్సీ గురించి ప్రత్యేకంగా చెప్పాల్సిన పనిలేదు. ఇతను అనారోగ్యం కారణంగా 10వ వారం హౌస్ నుంచి ఎలిమినేట్ అయ్యాడు. ఈ వారం బిగ్ బాస్ హౌస్ నుంచి కాజల్ ఎలిమినేట్ కావాల్సి ఉండగా అనారోగ్యం కారణంగా జెస్సీ బయటకు వచ్చాడు. ఈ క్రమంలోనే బిగ్ బాస్ హౌస్ నుండి బయటకు వచ్చిన కంటెస్టెంట్ లు బిగ్ బాస్ బజ్ కార్యక్రమానికి వెళ్తారు. ఇక జెస్సీ కూడా అందులో పాల్గొన్నాడు.

ఇక ఈ కార్యక్రమానికి అరియానా హోస్ట్ గా వ్యవహరిస్తోంది. బిగ్ బాస్ నుంచి ఎలిమినేట్ అయిన కంటెస్టెంట్ లని అరియానా ప్రశ్నలు అడుగుతుంది. హౌస్ లో ఉన్న కంటెస్టెంట్ ల గురించి ఒపీనియన్ అడిగి తెలుసుకుంటుంది. ఇక జెస్సీ బయటకు రాగానే బిగ్ బాస్ హౌస్ నుంచి ఈ ప్రపంచంలోకి అడుగు పెట్టాడు.. వెల్కమ్ అంటూ ఆహ్వానించగా.. ఈ ప్రపంచంలోకి అడుగు పెట్టగానే మొదటగా నిన్నే చూశాను.. చూడగానే ప్రేమలో పడిపోయాను.. అని చెప్పాడు.

కాగా బిగ్ బాస్ హౌస్ నుంచి బయటకు వచ్చిన జెస్సీ అరియానాకి ప్రపోజ్ చేశాడు. ఈ క్రమంలోనే ఈ వీడియోని అరియనా తన ఇన్‌స్టాగ్రామ్‌ రీల్స్ ద్వారా షేర్‌ చేసింది. ఇక బిగ్ బాస్ బజ్ కార్యక్రమంలో జెస్సీ ఎన్నో విషయాలను పంచుకున్నాడు. బిగ్ బాస్ టాప్ 5 లో ఉండే కంటెస్టెంట్ లు ఎవరు.. అనే విషయాన్ని వెల్లడించాడు. ఈ క్రమంలోనే సిరి, షణ్ముఖ్, శ్రీరామ్, సన్నీ, రవి ఉంటాడని జోస్యం చెప్పాడు.