Bottle Gourd Juice : మనకు అందుబాటులో ఉన్న కూరగాయల్లో సొరకాయ కూడా ఒకటి. దీంతో అనేక రకాల వంటలను చేసుకోవచ్చు. ఎక్కువగా టమాటాలు వేసి లేదా పచ్చడి చేస్తారు. సాంబార్ వంటి వాటిల్లో కూడా సొరకాయలను వేస్తుంటారు. అయితే ఇవి చాలా మందికి నచ్చవు. కానీ వీటితో కలిగే ప్రయోజనాలు తెలిస్తే ఎవరైనా సరే వీటిని వెంటనే తినడం ప్రారంభిస్తారు. ఈ కాయల్లో విటమిన్ బి, పీచు, నీరు పుష్కలంగా ఉంటాయి. ఇవి శరీర జీవక్రియ రేటును పెంచడంలో సహాయపడతాయి. జీర్ణవ్యవస్థను కూడా బలపరుస్తాయి. ఈ కూరగాయ గొప్పదనం ఏమిటంటే ఇది మీ ఆకలిని నియంత్రించడంలో కూడా సహాయపడుతుంది. ఇది మలబద్ధకం, పొట్ట సమస్యలను కూడా తగ్గిస్తుంది.
ఈ కాయ రసం తాగడం వల్ల వేగంగా బరువు తగ్గుతారు. ఇందులో విటమిన్ బి, ఫైబర్, నీరు ఎక్కువ మొత్తంలో ఉంటాయి. సొరకాయలో సంతృప్త కొవ్వు, కొలెస్ట్రాల్ తక్కువగా ఉంటుంది. ఇందులో విటమిన్ బి, విటమిన్ సి, విటమిన్ ఎ, విటమిన్ కె, విటమిన్ ఇ, ఫోలేట్, ఐరన్, మెగ్నీషియం, పొటాషియం కూడా ఉంటాయి. ఈ కాయ రసం తాగడం వల్ల బరువు తగ్గడంతోపాటు రోజంతా శక్తివంతంగా ఉంటుంది. మధుమేహం, కొలెస్ట్రాల్ ఉన్న రోగులకు ఇది చాలా ఉపయోగకరంగా ఉంటుంది. ఈ కూరగాయ గుండెను ఆరోగ్యంగా ఉంచడానికి కూడా చాలా ఉపయోగకరంగా ఉంటుంది. సొరకాయ రసాన్ని వారానికి రెండు లేదా మూడు సార్లు తీసుకోవడం వల్ల గుండె ఆరోగ్యంగా ఉండేందుకు తోడ్పడుతుంది. రక్తపోటును కూడా నియంత్రిస్తుంది. దీంతో హార్ట్ ఎటాక్లు రావు.
ఇంట్లో సొరకాయ రసాన్ని ఎలా చేయాలో ఇప్పుడు చూద్దాం. సొరకాయ రసం చేయడానికి ఒక తాజా సొరకాయను తీసుకోండి. ఇప్పుడు సొరకాయను చిన్న ముక్కలుగా కట్ చేసుకోండి. ఈ కాయ ముక్కలను జ్యూసర్ లేదా గ్రైండర్లో వేసి రసాన్ని తీయండి. ఇప్పుడు ఈ రసాన్ని ఒక గ్లాసులోకి వడకట్టుకోండి. మీరు మీ రుచికి అనుగుణంగా నిమ్మరసం, నల్ల ఉప్పును కూడా జోడించవచ్చు. దీంతో సొరకాయ జ్యూస్ రెడీ అవుతుంది. దీన్ని మీరు ప్రతిరోజూ తాగితే బరువు తగ్గడానికి సహాయపడుతుంది. షుగర్, కొలెస్ట్రాల్ స్థాయిలను నియంత్రించడంలో ఉపయోగపడుతుంది. కనుక సొరకాయలను ఆహారంలో భాగం చేసుకోవాలి. వీటితో అనేక ప్రయోజనాలను పొందవచ్చు.
