విద్యార్థులంతా భయం, ఆందోళన లేకుండా పరీక్షలు రాయాలని తమిళ నటుడు, తమిళగ వెట్రి కజగం పార్టీ అధ్యక్షుడు విజయ్ సూచించారు. ఈ మేరకు ఆయన తన ఎక్స్ ఖాతాలో పోస్ట్ షేర్ చేశారు. తమిళనాడు, పుదుచ్చేరిలో 12వ తరగతి పరీక్షలు ప్రారంభం అవుతున్న నేపథ్యంలో ఆయన విద్యార్థులను ఉద్దేశించి ఆ పోస్టు పెట్టారు. తన ప్రియమైన తమ్ముళ్లు, చెల్లెమ్మలకు హృదయపూర్వక శుభాకాంక్షలు చెబుతున్నానని అన్నారు. భవిష్యత్ సమాజాన్ని నిర్మించబోయే విద్యార్థులు అందరూ ఎలాంటి ఒత్తిడికి గురి కాకుండా, ధైర్యంగా పరీక్షలను ఎదుర్కొనాలని అన్నారు. ఉన్నత విద్యలో ప్రతిభ కనబరచాలని, అంతా మంచే జరుగుతుందని, విద్యార్థులు తప్పక విజయం సాధిస్తారని అన్నారు. అయితే ఆయన భార్య సంగీత ఇటీవల చెంగల్పట్టు జిల్లా కోర్టులో ఆయన నుంచి విడాకులు కావాలని కోరుతూ పిటిషన్ వేసిన నేపథ్యంలో ఆ విషయంపై మాత్రం విజయ్ స్పందించలేదు.
తన భర్త, నటుడు విజయ్ ఓ హీరోయిన్తో వివాహేతర సంబంధాన్ని కలిగి ఉన్నాడని, తనను హింసకు గురి చేస్తున్నాడని ఆరోపిస్తూ సంగీత ఇటీవల కోర్టులో విడాకుల కోసం పిటిషన్ను దాఖలు చేయగా ఈ విషయం దేశవ్యాప్తంగా చర్చనీయాంశంగా మారింది. అయితే ఇరు పక్షాల నుంచి ఆ తరువాత ఎలాంటి అధికారిక ప్రకటన రాలేదు. కానీ విజయ్ రాజకీయాల్లో ఉన్నారు కనుక ఈ విషయంపై కచ్చితంగా స్పందిస్తారని అందరూ ఎదురు చూశారు. అయినప్పటికీ ఆయన ఆ సంఘటన అనంతరం విద్యార్థులకు శుభాకాంక్షలు చెబుతూ ట్వీట్ చేశారు తప్ప విడాకుల ప్రసక్తి ఎత్తలేదు. దీంతో మళ్లీ అందరిలోనూ ఉత్కంఠ మొదలైంది.
విజయ్ భార్య సంగీత ఇటీవల తమ వివాహ బంధాన్ని రద్దు చేయాలని కోరుతూ కోర్టులో పిటిషన్ దాఖలు చేశారు. పీటీఐ వార్తా సంస్థ ప్రకారం 2021 ఏప్రిల్లో విజయ్ ఓ నటితో వివాహేతర సంబంధం పెట్టుకున్నాడని తాను తెలుసుకున్నానని ఆమె పిటిషన్లో పేర్కొన్నారు. ఈ విషయం తనను తీవ్రమైన భావోద్వేగానికి గురి చేసిందని, దీంతో మానసిక ఎంతో ఆవేదన చెందానని ఆమె వివరించారు. వైవాహిక నమ్మకంపై విజయ్ చేసింది ద్రోహమేనని, ఆయన వివాహ నియమాలను ఉల్లంఘించారని ఆమె పేర్కొన్నారు. ఇకపై రిపేర్ చేయలేనంతగా తమ వివాహ బంధం ముక్కలైందని ఆమె పిటిషన్లో తెలిపారు. ఈ క్రమంలోనే విజయ్ నుంచి తనకు శాశ్వత పోషణ నిమిత్తం భరణం లభించేలా చూడాలని ఆమె కోరారు. అలాగే కేసు పరిష్కారం అయ్యే వరకు నీలాంకరైలోని తమ దాంపత్య గృహంలో నివాసం ఉండే హక్కు కల్పించాలని, లేదా సమాన స్థాయి వసతి కల్పించాలని కూడా ఆమె పిటిషన్లో విజ్ఞప్తి చేశారు.
కాగా విజయ్ని తమిళనాడులో తళపతిగా అభిమానులు పిలుస్తుంటారు. ఆయన తమిళగ వెట్రి కజగం (టీవీకే) పార్టీని స్థాపించడంతోపాటు ప్రస్తుతం అధ్యక్షుడిగా కొనసాగుతున్నారు. ఈ క్రమంలోనే ఆయన రాబోయే నెలల్లో జరిగే తమిళనాడు అసెంబ్లీ ఎన్నికల్లో పోటీ చేసేందుకు సిద్ధమవుతున్నారు. అయితే ఇటీవల ఆయన నటించిన జననాయగన్ సినిమా విడుదల ఆగిపోవడమే కాకుండా ఇప్పుడు ఆయన భార్య విడాకులు కావాలని కోరుతూ పిటిషన్ దాఖలు చేయడం సంచలనంగా మారింది. ఆయనకు ప్రస్తుతం టైమ్ బాగాలేదని విశ్లేషకులు అభిప్రాయం వ్యక్తం చేస్తున్నారు. విజయ్ 1998లో జూలైలో యూకేలో సంగీతను వివాహం చేసుకున్నారు. విజయ్ ఇప్పటి వరకు 68 చిత్రాల్లో నటించగా, 69వ చిత్రం జననాయగన్ తరువాత సినిమాలకు గుడ్ బై చెప్పనున్నారు. కానీ జననాయగన్ ఇప్పట్లో విడుదల అయ్యేలా కనిపించడం లేదు.
ఇటీవలే రాజస్థాన్లోని ఉదయ్పూర్లో చాలా గ్రాండ్గా వివాహం చేసుకున్న టాలీవుడ్ నటీనటులు విజయ్ దేవరకొండ, రష్మిక మందన్న సామాజిక సేవా…
అమెరికా-ఇజ్రాయెల్ దాడుల అనంతరం మధ్యప్రాచ్యంలో ఉద్రిక్తతలు పెరుగుతున్న నేపథ్యంలో అక్కడ నివసిస్తున్న భారతీయుల భద్రతపై ఆందోళనలు వ్యక్తమవుతున్నాయి. ఈ నేపథ్యంలో…
మధ్యప్రాచ్యంలో కొనసాగుతున్న యుద్ధ ఉద్రిక్తతల నేపథ్యంలో దుబాయ్లో ఉన్న తన సోదరుడు మంచు విష్ణు, ఆయన కుటుంబ భద్రత కోసం…
సూపర్స్టార్ మహేష్ బాబు, గ్లోబల్ స్టార్ ప్రియాంక చోప్రా కలిసి నటిస్తున్న భారీ ప్రాజెక్ట్ వారణాసి ఇప్పుడు ప్రపంచంలోనే అత్యంత…
శ్రీలంక క్రికెట్ జట్టు కెప్టెన్ దసున్ శనకపై ఆ జట్టు బౌలింగ్ కోచ్, మాజీ లంక ప్లేయర్ లసిత్ మలింగ…
వీధి కుక్కలపై సానుభూతి చూపించాలని మాట్లాడినందుకు తనను ఇప్పటికీ సోషల్ మీడియాలో ట్రోల్ చేస్తున్నారని, అసభ్య పదజాలంతో దూషిస్తున్నారని నటి,…
గొప్పలకు పోయి అప్పులు చేసి యువత కష్టాల పాలు కావొద్దని, విలాసాలకు దూరంగా ఉండాలని నటుడు మంచు మనోజ్ సూచించారు.…
ప్రశాంతంగా ఉండడమే అన్నింటికన్నా గొప్ప వరమని, సహనాన్ని కోల్పోయి గట్టిగా అరిచి మాట్లాడడం పెద్ద విషయం కాదని బాలీవుడ్ నటి…