విప్రో కంపెనీలో ఉద్యోగాల జాత‌ర‌.. ఏడాదికి జీతం రూ.3.50 ల‌క్ష‌లు..

క‌రోనా ప్ర‌భావం వ‌ల్ల ఉద్యోగాలు కోల్పోయిన వారితోపాటు ఫ్రెష‌ర్స్‌కు ప్ర‌ముఖ సంస్థ విప్రో అదిరిపోయే శుభ‌వార్త చెప్పింది. విప్రో ఆధ్వ‌ర్యంలో నిర్వ‌హిస్తున్న ఎలైట్ నేష‌న‌ల్ టాలెంట్ హంట్‌లో భాగంగా 2022 వ‌ర‌కు 30,000 మందిని నియ‌మించుకోనున్న‌ట్లు తెలిపింది. అందుకు గాను ప్ర‌త్యేక కార్య‌క్ర‌మం నిర్వ‌హిస్తోంది.

విప్రో నిర్వ‌హిస్తున్న ఎలైట్ నేష‌న‌ల్ టాలెంట్ హంట్‌కు రిజిస్ట్రేష‌న్ల ప్ర‌క్రియ ఆగ‌స్టు 23న ప్రారంభం కాగా సెప్టెంబ‌ర్ 15న ముగియ‌నుంది. ఆన్‌లైన్‌లో రిజిస్ట్రేష‌న్లు చేసుకోవాల్సి ఉంటుంది. సెప్టెంబర్ 25 నుంచి 27 మ‌ధ్య‌లో ఆన్ లైన్ అసెస్‌మెంట్ చేస్తారు.

2022 వ‌ర‌కు డిగ్రీ పాస్ అయ్యే వారు కూడా ఇందుకు ద‌ర‌ఖాస్తు చేయ‌వ‌చ్చు. వ‌య‌స్సు 25 సంవ‌త్స‌రాల లోపు ఉండాలి. బీఈ లేదా బీటెక్ లో క‌చ్చితంగా డిగ్రీ చేసి ఉండాలి. లేదా ఎంఈ ఎంటెక్‌లో 5 ఏళ్ల ఇంటిగ్రేటెడ్ కోర్సు ఫుల్ టైమ్ చేసి ఉండాలి. ఫ్యాష‌న్ టెక్నాల‌జీ, టెక్స్‌టైల్ ఇంజినీరింగ్‌, అగ్రిక‌ల్చ‌ర్ అండ్ ఫుడ్ టెక్నాల‌జీ కాకుండా మిగిలిన అన్ని బ్రాంచిల్లో చ‌దివిన వారు ద‌ర‌ఖాస్తు చేయ‌వ‌చ్చు.

యూనివ‌ర్సిటీ నిబంధ‌న‌ల ప్ర‌కారం 60 శాతం లేదా 6 సీజీపీఏ స్కోరును సాధించి ఉండాలి. టెన్త్‌, ఇంట‌ర్‌, డిగ్రీల‌లో ఫుల్ టైమ్ కోర్సుల‌ను చ‌దివి ఉండాలి. పార్ట్ టైమ్ లేదా, క‌రెస్పాండెన్స్ లేదా డిస్టాన్స్‌లో చ‌దివిన వారికి ప్రాధాన్య‌త ఇవ్వ‌బ‌డ‌దు. 10వ త‌ర‌గ‌తిలో 60 శాతానికి పైగా, ఇంట‌ర్‌లో 60 శాతానికి పైగా మార్కుల‌ను సాధించి ఉండాలి.

అర్హ‌త సాధించిన అభ్య‌ర్థుల‌కు ఏడాదికి రూ.3.50 ల‌క్ష‌ల వేత‌నం ఇస్తారు. మొద‌టి 12 నెల‌ల పాటు రూ.75వేలు ఇస్తారు. త‌రువాత ప్రొ రేటా బేసిస్‌లో పెంచుతూ పోతారు. అసెస్‌మెంట్ స‌మ‌యంలో ఒక బ్యాక్‌లాగ్ ఉంటేనే ప‌రిగిణ‌న‌లోకి తీసుకుంటారు. 10 త‌రువాత డిగ్రీ మొద‌లు పెట్ట‌డానికి మ‌ధ్య గ‌రిష్టంగా 3 ఏళ్ల వ్య‌వ‌ధి మాత్ర‌మే ఉండాలి.

భార‌తీయ విద్యార్థులు మాత్ర‌మే ఇందుకు ద‌ర‌ఖాస్తు చేయాలి. నేపాల్‌, భూటాన్ విద్యార్థులు అయితే త‌మ సిటిజెన్‌షిప్ స‌ర్టిఫికెట్‌ను చూపించాలి. గ‌త 6 నెల‌ల కాలంలో విప్రో నిర్వ‌హించిన సెలెక్ష‌న్స్‌లో పాల్గొని ఉండ‌రాదు.

ఆన్‌లైన్ అసెస్‌మెంట్ 128 నిమిషాల పాటు ఉంటుంది. మూడు సెక్ష‌న్లు ఉంటాయి. లాజిక‌ల్ ఎబిలిటీ ఆప్టిట్యూడ్ టెస్ట్‌, క్వాంటిటేటివ్ ఎబిలిటీ, ఇంగ్లిష్ వెర్బ‌ల్ ఎబిలిటీ మొత్తం క‌లిపి 48 నిమిషాలు ఉంటాయి. 20 నిమిషాల్లో రిటెన్ క‌మ్యూనికేష‌న్ టెస్ట్‌ను ఎస్సే రైటింగ్‌తో పూర్తి చేయాలి. ఆన్‌లైన్ లో ప్రోగ్రామింగ్ టెస్టు ఉంటుంది. అందులో ఏవైనా రెండు ప్రోగ్రామ్‌ల‌ను కోడింగ్ చేయాలి. ఈ టెస్టు 60 నిమిషాలు ఉంటుంది.

ప్రోగ్రామింగ్ టెస్ట్‌ల‌కు గాను అభ్య‌ర్థులు జావా, సి, సి++, పైథాన్‌ల‌లో వేటినైనా ఎంపిక చేసుకోవ‌చ్చు.