Hanuman Jayanti : హ‌నుమాన్ జ‌యంతిని ఏడాదికి రెండు సార్లు ఎందుకు నిర్వ‌హిస్తారంటే..?

Hanuman Jayanti : హిందూ పురాణాల్లో హ‌నుమంతుడి గురించి ప్ర‌త్యేకంగా చెప్పాల్సిన ప‌నిలేదు. ఆయ‌న‌ను సూప‌ర్ హీరోగా భావిస్తారు. సీతాదేవిని లంక నుండి తీసుకువ‌చ్చేందుకు రాముడికి హ‌నుంమంతుడు ఎంత‌గానో స‌హాయ‌ప‌డ‌తాడు. ఏకంగా కొండ‌నే త‌న ఒంటి చేత్తో లేపే సామ‌ర్థ్యం హ‌నుమంతుడి సొంతం. పొడ‌వాటి తోక‌తో కండ‌లు తిరిగిన దేహంతో క‌నించే హ‌నుమంతుడి ఆకారం ఏ సూప‌ర్ హీరోకు తీసిపోదు. అందువ‌ల్లే చిన్న‌పిల్ల‌లు కూడా ఎక్కువ‌గా హ‌నుమంతుడిని ఇష్ట‌ప‌డుతుంటారు. భ‌యం వేసినా చీకట్లో ఒంట‌రిగా ఉన్నా హ‌నుమంతుడినే త‌లుచుకుంటారు.

ఇక వారంలో ప్ర‌తి శ‌ని, మంగ‌ళ‌వారాల‌లో హ‌నుమంతుడిని కొలుస్తుంటారు. హ‌నుమంతుడిని ఆంజ‌నేయుడు, హ‌నుమాన్ అనే పేర్ల‌తో కూడా పిలుస్తారు. హ‌నుమాన్ జయంతిని కూడా హిందువులు ఓ పెద్ద పండుగలా జ‌రుపుకుంటారు. అయితే హ‌నుమాన్ జ‌యంతి ఇత‌ర పండ‌గ‌ల్లా కాకుండా ఏడాదికి రెండు సార్లు వ‌స్తుంది. అలా రెండు సార్లు హ‌నుమాన్ జ‌యంతి రావ‌డం వెన‌క కార‌ణాలు ఏంట‌న్న‌ది ఎవ‌రికీ తెలియ‌దు. కాబ‌ట్టి అస‌లు ఏడాదికి హ‌నుమాన్ జ‌యంతి రెండుసార్లు ఎందుకు వ‌స్తుందో ఇప్పుడు చూద్దాం. రామాయ‌ణం ప్ర‌కారం సీతాదేవిని రావ‌ణుడు తీసుకువెళ్లిన‌ప్పుడు రాముడు హ‌నుమంతుడితో క‌లిసి వెత‌కడం మొద‌లు పెడ‌తాడు. ఈ క్ర‌మంలో హ‌నుమంతుడు మంగ‌ళవారం నాడు సీతా దేవి ఆచూకీని క‌నుగొంటాడు.

ఆ రోజు చైత్ర‌మాసం చిత్త న‌క్షత్రం పౌర్ణ‌మి. ఆ రోజున హ‌నుమంతుడు అశోక‌న‌గ‌రాన్ని నాశ‌నం చేయ‌డంతో పాటు లంక‌ను త‌గ‌ల‌బెడతాడు. ఆ రోజున హ‌నుమంతుడి విజ‌యంగా చెప్పుకుని హ‌నుమాన్ జ‌యంతిని జ‌రుపుకుంటారు. ఇది ప్ర‌తి సంవ్స‌రం ఏప్రిల్ లో వ‌స్తుంది. కానీ అస‌లైన హ‌నుమాన్ జ‌యంతిని వైశాఖ మాసం శుక్ల ద‌శ‌మి రోజున జ‌రుపుకోవాలి. ఇది మే నెల చివ‌రిలో వ‌స్తుంది. పూర్వ‌భాద్ర‌ న‌క్షత్రంలో జ‌న్మిస్తాడు. ఇది అస‌లైన హ‌నుమాన్ జ‌యంతి. ఇలా ఏడాదిలో హ‌నుమాన్ జ‌యంతిని రెండు సార్లు జ‌రుపుకుంటారు.