అత్యంత దారుణ‌మైన ఘ‌ట‌న‌.. భార్య‌తో గొడ‌వ‌ప‌డి.. 3 నెల‌ల పసికందును చిదిమేశాడు..

ఢిల్లీలో అత్యంత దారుణ‌మైన ఘ‌ట‌న చోటు చేసుకుంది. ఓ వ్య‌క్తి భార్య‌తో గొడ‌వ‌ప‌డి త‌న 3 నెల‌ల ప‌సికందును చిదిమేశాడు. ఢిల్లీలోని స‌మ‌తా విహార్‌లో ఈ సంఘ‌ట‌న చోటు చేసుకుంది. పోలీసులు తెలిపిన ప్ర‌కారం.. ఈ సంఘ‌ట‌న‌కు సంబంధించి వివ‌రాలు ఈ విధంగా ఉన్నాయి.

ఢిల్లీలోని స‌మ‌తా విహార్‌లో నివాసం ఉంటున్న ర‌వి రాయ్ (26) గ‌త కొంత కాలంగా ఎలాంటి ప‌నిచేయ‌కుండా ఖాళీగానే ఇంట్లో ఉంటున్నాడు. అత‌ని భార్య స‌మీపంలో ఉన్న ఆదాజ్‌పూర్ మండీలో ఉద్యోగం చేస్తోంది. అయితే వారు స‌మ‌తా విహార్‌కు ఒక నెల కింద‌టే వ‌చ్చారు.

ఏ ప‌ని చేయ‌కుండా ఇంట్లో ఎన్ని రోజులు ఖాళీగా ఉంటావు, ఉద్యోగం వెదుక్కోమ‌ని భార్య రోజూ చెబుతుండేది. దీంతో ఇద్ద‌రికీ కొంత కాలంగా రోజూ గొడ‌వ‌లు అవుతుండేవి. ఈ క్ర‌మంలోనే తాజాగా మ‌రోమారు వీరు గొడ‌వ‌ప‌డ్డారు. అయితే ప‌ట్ట‌రాని కోపం వ‌చ్చిన ర‌వి త‌న 3 నెల‌ల కుమారున్ని గోడ‌కేసి బ‌లంగా కొట్టాడు.

ఈ క్ర‌మంలో ఆ ప‌సికందు త‌లకు తీవ్ర‌మైన గాయాల‌య్యాయి. త‌ల్లి ఇరుగు పొరుగు స‌హాయంతో హాస్పిట‌ల్‌కు తీసుకెళ్లింది. అయితే అప్ప‌టికే ఆ చిన్నారి మృతి చెందాడ‌ని వైద్యులు తెలిపారు. దీంతో ఆమె పోలీసులకు ఫిర్యాదు చేయ‌గా.. వారు కేసు న‌మోదు చేసి ర‌వి రాయ్‌ని అరెస్టు చేసి రిమాండ్‌కు త‌ర‌లించారు.