టాలీవుడ్ ఇండస్ట్రీలో చాలా తక్కువ సమయంలోనే స్టార్ హీరోయిన్ గా గుర్తింపు సంపాదించుకున్న రష్మిక ప్రస్తుతం వరుస సినిమాలతో బిజీగా ఉన్నారు. ఈ క్రమంలోనే టాలీవుడ్ ఇండస్ట్రీలో నాచురల్ స్టార్ గా మంచి పేరు సంపాదించుకున్న నాని సరసన ఇది వరకే రష్మికతో కలిసి”దేవదాస్”చిత్రంలో సందడి చేశారు. ఈ చిత్రంలో రష్మిక పోలీస్ ఆఫీసర్ పాత్రలో సందడి చేశారు.
అయితే టాలీవుడ్ ఇండస్ట్రీలో ఈ ఇద్దరి కాంబినేషన్లో మరో సినిమా వస్తుందనే ప్రచారం జోరుగా వినిపిస్తుంది. ప్రస్తుతం నాని శివ నిర్వాణ దర్శకత్వంలో నటించిన ‘టక్ జగదీష్’ రిలీజ్కు సిద్ధంగా ఉంది. అదేవిధంగా రాహుల్ సాంకృత్యన్ దర్శకత్వం తెరకెక్కుతున్న ‘శ్యామ్ సింగ రాయ్’ షూటింగ్ దశలో ఉంది. ఈ సినిమాలో సాయి పల్లవి, కృతిశెట్టి, మడోనా సెబాస్టియన్ హీరోయిన్స్గా నటిస్తున్నారు.
ఈ రెండు సినిమాల తర్వాత నాని ‘అంటే.. సుందరానికీ’ చేస్తున్నాడు. ఇవే కాకుండా వీటితో పాటు మరో రెండు సినిమాలకు కూడా నాని గ్రీన్ సిగ్నల్ ఇచ్చినట్టు తెలుస్తోంది. ఈ సినిమాలో నానికి జోడిగా రష్మికను తీసుకోవాలనే ఆలోచనలో దర్శక నిర్మాతలు ఉన్నట్లు తెలుస్తోంది. అయితే ఈ విషయానికి సంబంధించిన అధికారిక ప్రకటన చిత్రబృందం నుంచే వెలువడాల్సి ఉంది.
