నా పెళ్లి గురించి మధ్యలో నీకెందుకు.. సుమ షోలో సంచలన వ్యాఖ్యలు చేసిన నటి..!

తెలుగు బుల్లితెర పై యాంకర్ గా కొనసాగుతున్న సుమ గురించి మనకు తెలిసిందే. అద్భుతమైన మాట తీరుతో అందరిని ఆకట్టుకునే సుమ పలు కార్యక్రమాలకు వ్యాఖ్యాతగా వ్యవహరిస్తు ఎంతో బిజీగా ఉన్నారు. సుమ వ్యాఖ్యాతగా వ్యవహరించిన కార్యక్రమాలలో క్యాష్ ప్రోగ్రాం ఒకటి.గత కొన్ని సంవత్సరాల నుంచి అత్యధిక రేటింగ్స్ దూసుకుపోతున్న ఈ కార్యక్రమం ప్రతి వారం ప్రసారం అవుతూ ప్రేక్షకులకు వినోదాన్ని పంచుతుంది. తాజాగా ఈ వారం ప్రసారం కాబోయే క్యాష్ ప్రోగ్రామ్ ప్రోమోను నిర్వాహకులు విడుదల చేశారు.

ఈ ప్రోమోలో భాగంగా క్యాష్ ప్రోగ్రామ్ కి ఈవారం నటి గీతా సింగ్, అంబటి శ్రీనివాస్, బాలాదిత్య, సునీల్ శెట్టి గెస్ట్ గా వచ్చారు. ఎప్పటిలాగే ఈ వారం కూడా సుమ వారితో ఎంతో సరదాగా మాట్లాడుతూ ఆడిపాడారు. ఇక ఈ కార్యక్రమానికి వచ్చిన నటి గీతాసింగ్ ఇండస్ట్రీలో ఎన్నో సినిమాలలో నటించి ఎంతో మంచి ఆర్టిస్ట్ గా పేరు సంపాదించుకున్నారు. ముఖ్యంగా కితకితలు ఎవడిగోలవాడిది వంటి సినిమాల ద్వారా బాగా గుర్తింపు సంపాదించుకుంది.

ఈ కార్యక్రమంలో భాగంగా సుమ గీతాసింగ్ ను ఉద్దేశించి ఈ మధ్య ఎందుకో చాలా బాధపడ్డారంటా అని అడగగా అందుకు స్పందించిన గీతా సింగ్ కాస్త ఎమోషనల్ అయ్యారు… బయటకు ఎక్కడికి వెళ్ళినా నా బాడీ షేమింగ్ పై నెగిటివ్ కామెంట్స్ వస్తున్నాయని.. అదేవిధంగా మీరు ఎప్పుడు పెళ్లి చేసుకుంటున్నారు.. అని ప్రశ్న తరచూ తనకి ఎదురవుతోందని తెలిపారు. నేను చాలా సంతోషంగా ఉన్నాను… నా కుటుంబం సంతోషంగా ఉంది. నా పెళ్లి గురించి మధ్యలో మీకెందుకండీ అంటూ సోషల్ మీడియాలో నెగిటివ్ గా స్పందించే వారిపై ఘాటు వ్యాఖ్యలు చేస్తూ ఎమోషనల్ అయ్యారు. ప్రస్తుతం ఈ ప్రోమో సోషల్ మీడియాలో వైరల్ గా మారింది.