విడాకులు ఫిక్స్‌ అయినట్లే ? రూ.50 కోట్ల మేర ఆస్తులు పొందనున్న సమంత ?

అక్కినేని సమంతకు చెందిన విడాకుల వార్త గత కొద్ది రోజులుగా సోషల్‌ మీడియాలో చక్కర్లు కొడుతోంది. అయితే ఈ విషయంపై ఎన్నిసార్లు ప్రశ్నించినా సమంత మాటలు దాట వేసింది. కానీ స్పష్టంగా సమాధానం ఇవ్వలేదు. ఇక తన సోషల్‌ ఖాతాలో అక్కినేని అనే ఇంటి పేరును వదిలేసి కేవలం S అనే అక్షరాన్ని మాత్రమే ఉంచింది. దీంతో ఏదో జరుగుతుందని అభిమానులకు అనుమానం వచ్చింది. విడాకులపై అడుగుతున్న ప్రశ్నలకు సమంత సైతం సమాధానాలు చెప్పకపోతుండడంతో ఆ అనుమానం బలపడింది. దీంతో నాగచైతన్య, సమంతల విడాకులు ఖాయమని సోషల్‌ మీడియాలో రోజుకో వార్త వస్తోంది.

ఇక తాజాగా వీరిద్దరి విడాకులకు చెందిన మరో వార్త కూడా సోషల్‌ మీడియాలో వైరల్‌ అవుతోంది. ఇందులో నిజమెంత, అబద్ధమెంత ? అన్నవిషయం తెలియదు కానీ.. నాగచైతన్య, సమంతల మధ్య విడాకులు ఫిక్స్‌ అయ్యాయని, ఈ క్రమంలోనే సెటిల్‌మెంట్‌ కింద సమంతకు చైతన్య రూ.50 కోట్ల ఆస్తులను ఇవ్వనున్నాడని తెలుస్తోంది. ఈ విషయంపై స్పష్టత రావాల్సి ఉంది.

2017 అక్టోబర్‌లో వీరిద్దరి వివాహం జరగ్గా.. ఎంతో అన్యోన్యంగా వీరు నిన్న మొన్నటి వరకు జీవించారు. కానీ ఇటీవలి కాలంలో కొన్ని పోస్టుల్లో సమంత ఒంటరిగానే కనిపిస్తోంది. ఎప్పుడో ఒకసారి చైతన్య తోడుగా కనిపిస్తున్నాడు. ఇక సోషల్‌ ఖాతాలో అక్కినేని పేరును తొలగించి కేవలం S అనే అక్షరాన్ని సమంత ఉంచడంతో ఒక్కసారిగా ఈ దంపతులకు చెందిన విడాకుల వార్త తెరపైకి వచ్చింది. ఈ క్రమంలోనే మరో 2, 3 నెలల్లో విడాకుల ప్రక్రియ పూర్తి కానున్నట్లు కూడా తెలుస్తోంది. మరి దీనిపై వారు ఎలా స్పందిస్తారో చూడాలి.