DJ Tillu : యంగ్ హీరో సిద్ధు జొన్నలగడ్డ నటించిన లేటెస్ట్ సినిమా డీజే టిల్లు. అట్లుంటది మనతోని అనేది సినిమా ట్యాగ్ లైన్. నేహాశెట్టి హీరోయిన్ గా నటించిన ఈ సినిమాను విమల్ కృష్ణ డైరెక్ట్ చేసాడు. ఈ ఏడాది బాక్సాఫీసు వద్ద పెద్ద పెద్ద స్టార్ హీరోల సినిమాలు కూడా కలెక్షన్స్ లేక థియేటర్లు వెలవెలబోతే.. ఎలాంటి అంచనాలు లేకుండా వచ్చిన డీజే టిల్లు బ్లాక్ బస్టర్ హిట్గా నిలిచింది. ఈ సినిమా విడుదలై కొన్ని నెలలు గడుస్తున్నా ఇప్పటికీ మూవీ లవర్స్ ఈ సినిమాను అందులోని మాటలను, పాటలను మర్చిపోలేక పోతున్నారు. ఈ సినిమా తరువాత సిద్ధు జొన్నలగడ్డ పేరు డీజే టిల్లుగా మారిపోయింది.
ఈ సినిమాలో ఆయన నటనను చూసి అందరూ జూనియర్ విజయ్ దేవరకొండ అంటూ ట్యాగ్ కూడా ఇచ్చారు. అంతలా తన హాట్ పెర్ఫార్మెన్స్ తో యూత్ ని ఆకట్టుకున్నాడు సిద్దు. అయితే డీజే టిల్లు సూపర్ హిట్ అవ్వడంతో ఇప్పుడు అందరూ డీజే టిల్లు పార్ట్-2 కోసం వెయిట్ చేస్తున్నారు. అయితే డీజే టిల్లు లో హీరోయిన్ గా నటించిన నేహాశెట్టి ఈ సినిమాలో నటించదంటూ ముందుగానే చెప్పేసారు. అయితే ఈ సినిమాలో శ్రీలీల హీరోయిన్ గా నటించే అవకాశం ఉందంటూ నెట్టింట న్యూస్ వైరల్ అయ్యింది. దీనిపై మేకర్స్ ఖండించకపోవడంతో అంతా నిజమే అనుకున్నారు.
శ్రీలీల లాంటి యంగ్ బ్యూటీ సినిమాలో నటిస్తే సిద్దు జొన్నలగడ్డ కెరీర్ కు తిరుగుండదనుకున్నారు. యంగ్ బ్యూటీతో మాస్ సిద్దు అంటూ తెగ ప్రచారం చేశారు. అయితే రీసెంట్ గా ఏం జరిగిందో ఏమో ఈ సినిమా నుంచి శ్రీలీల అవుట్ అయిన్నట్లు తెలుస్తుంది. సిద్దులాంటి హీరోతో నటిస్తే తన కెరీర్ ఎక్కడ దెబ్బతింటుందో అన్న భయంతోనే అమ్మడు ఈ సినిమా నుండి తప్పుకున్నట్లు తెలుస్తుంది. దీంతో కొందరు సిద్దుని ఘోరంగా ట్రోల్ చేస్తున్నారు. ఆకాశం చూపించి నేల నాకించేసిందిగా.. అనుకున్నది ఒక్కటి.. అయినది ఒక్కటి అంటూ దారుణంగా కామెంట్స్ చేస్తున్నారు.
