NTR : ఎన్టీఆర్ గత కొన్నాళ్లుగా విశ్రాంతి లేకుండా షూటింగ్స్తో బిజీగా ఉన్నారు. త్వరలో కొరటాల సినిమాతో బిజీ కానున్న నేపథ్యంలో ఆయన ఫ్యామిలీతో వెకేషన్ ప్లాన్ చేశాడు. తన కుటుంబంతో స్విట్జర్లాండ్ కు బయలుదేరాడు. ఆదివారం తెల్లవారుజామున హైదరాబాద్ విమానాశ్రయంలో భార్య పిల్లలతో కలిసి కనిపించాడు. ప్రస్తుతం ఈ ఫోటో నెట్టింట వైరల్ గా మారింది. అయితే ఈ వెకేషన్ ఎన్ని రోజులు అనేది తెలియాల్సి ఉంది.
ఇక మరో పక్క ఎన్టీఆర్ వెకేషన్ ప్రస్తుతం నెట్టింట చర్చనీయాంశంగా మారింది. నందమూరి ఫ్యామిలీకి అసెంబ్లీలో అవమానం జరిగిందని నందమూరి ఫ్యామిలీ అంతా ఒక పక్క కోపంతో రగిలిపోతున్నారు. ఈ టైంలో ఎన్టీఆర్ కుటుంబంతో ఎంజాయ్ చేయడం ఏంటీ..? అని అభిమానులు అసహనం వ్యక్తం చేస్తున్నారు. ఈ ఘటనపై ఒక వీడియో ద్వారా స్పందించినా కూడా అది ఏదో నామమాత్రంగా చెప్పినట్లు ఉందే తప్ప.. ఇంకా ఫైర్ లేదని అభిమానులు మండిపడుతున్నారు.
ఎన్టీఆర్.. వరుసగా క్రేజీ డైరెక్టర్స్తో ప్రాజెక్ట్స్ చేస్తున్న విషయం తెలిసిందే. ఆర్ఆర్ఆర్ ఈ చిత్రాన్ని దాదాపుగా రూ. 400 కోట్ల భారీ బడ్జెట్తో తెరకెక్కిస్తున్నారు. ఇప్పటికే ఈ సినిమాకు సంబంధించిన డిజిటల్, శాటిలైట్ రైట్స్ అమ్ముడుపోయాయి. ఈ చిత్రాన్ని వచ్చే ఏడాది 2022 జనవరి 7న విడుదల చేస్తున్నట్టు ప్రకటించారు.
