Puneeth Rajkumar : కన్నడ ఇండస్ట్రీలో పవర్ స్టార్ అనే ఇమేజ్ తో గుర్తింపు పెంచుకొని స్టార్ హీరోగా సాగుతున్నాడు పునీత్ రాజ్‌కుమార్. కన్నడ లెజెండరీ యాక్టర్ రాజ్ కుమార్ తనయుడుగా శాండల్ వుడ్ లోకి ఎంట్రీ ఇచ్చిన ఆయన వ‌రుస సినిమాల‌తో అల‌రిస్తున్నారు. స్వతహాగా మంచి డాన్సర్ కూడా కావడంతో పునీత్ రాజ్ కుమార్ ఇమేజ్ అమాంతం పెరిగిపోయింది. ఈయనతో సినిమా అంటే మినిమం గ్యారెంటీ అనే విధంగా నిర్మాతలు భావిస్తారు.
ప్ర‌స్తుతం ప‌లు సినిమాల‌తో బిజీగా ఉన్న పునీత్ రాజ్ కుమార్ ఆసుపత్రిలో చేరడంతో ఆయన అభిమానులు ఆందోళన వ్యక్తం చేస్తున్నారు. పునీత్ రాజ్ కుమార్ జిమ్లో వ్యాయమం చేస్తున్న సమయంలో ఛాతీలో నొప్పిగా ఉందని తెలపడంతో ఆయన్ను బెంగుళూరులోని విక్రమ్ ఆసుపత్రికి తరలించారు. పునీత్ ఆరోగ్య పరిస్థితిపై కన్నడ సినీ ప్రముఖులు సోషల్ మీడియా వేదికగా స్పందిస్తున్నారు.
పునీత్ రాజ్ కుమార్ ఆరోగ్యం మరింత విషమించడంతో ఐసీయూలో చికిత్స అందిస్తున్నట్లుగా తెలుస్తోంది. ఇప్పటికే ఆయనకు ఈసీజీ పరీక్షలు నిర్వహించారు వైద్యులు. ఆయన కోలుకోవాల‌ని అభిమానులు ప్రార్ధ‌న‌లు చేస్తున్నారు.
