ప్రస్తుత కాలంలో సోషల్ మీడియా పుణ్యమా అంటూ ఎన్నో ఆసక్తికరమైన, ఆశ్చర్యకరమైన సంఘటనలకు సంబంధించిన విషయాలు క్షణాలలో ప్రపంచం మొత్తం చూసేలా చేస్తున్నాయి. ఈ విధంగా సోషల్ మీడియా వేదికగా సమాజంలో జరిగే కొన్ని ఘటనలు గురించి అందరూ తెలుసుకోగలుగుతున్నారు. తాజాగా నడిరోడ్డుపై ఉత్తరప్రదేశ్ కి చెందిన ఓ యువతి చేసిన హంగామా వైరల్ గా మారింది. ఈ క్రమంలోనే సదరు యువతి ప్రవర్తనకు #ArrestLucknowGirl హ్యాష్ట్యాగ్ వైరల్ గా మారింది. పూర్తి వివరాల్లోకి వెళితే..
లక్నోలోని అవధ్ ట్రాఫిక్ సిగ్నల్ వద్ద ఈ సంఘటన చోటు చేసుకుంది.అయితే ఇది ఎప్పుడు జరిగింది అనే విషయం క్లారిటీ లేకపోయినప్పటికీ ట్రాఫిక్ సిగ్నల్ వద్ద ఓ యువతి సదరు వ్యక్తి పట్టుకొని ఇష్టానుసారంగా కొట్టింది. ఈ యువతి ఆ వ్యక్తి పట్ల వ్యవహరిస్తున్న తీరు ప్రస్తుతం సోషల్ మీడియాలో వైరల్ గా మారింది.ఈ క్రమంలోనే ఆ యువతి సదరు వ్యక్తిని చితకబాదడంతో అక్కడ ఉన్నటువంటి ట్రాఫిక్ పోలీస్ తో సహా పలువురు మాట మాట్లాడకుండా చోద్యం చూస్తూ ఉన్నారు.
Viral Video: A Girl Continuously Beating a Man (Driver of Car) at Awadh Crossing, Lucknow, UP and allegedly Damaging his Phone inspite of him asking for Reason pic.twitter.com/mMH7BE0wu1
— Megh Updates 🚨™ (@MeghUpdates) July 31, 2021
ఈ విధంగా సదరు యువతి అతనిని కొట్టడానికి కారణం ఏమిటని అడుగుతూ ఉండగా అతని ఫోన్ లాక్కొని నేలకేసి కొట్టింది. ఈ క్రమంలోనే మరో వ్యక్తి ఈ దారుణం అడ్డుకోవడానికి రావడంతో అడ్డుగా వచ్చిన వ్యక్తి కాలర్ పట్టుకొని అతన్ని లాగి మరి కొట్టింది.అర్ధరాత్రి సమయంలో వీరి వ్యవహారంతో ట్రాఫిక్ జామ్ కాగా అక్కడున్న వారందరూ ఈ అమ్మాయి కి ఏమైంది అంటూ అరవడం మొదలు పెట్టారు. ఈ క్రమంలోనే ఆ యువతిని సదరు వ్యక్తి ఢీకొట్టడంతో తనపై ఈ విధంగా ప్రవర్తించినట్లు ఆమె మాట తీరును బట్టి తెలుస్తుంది. మొత్తానికి ఆ వ్యక్తి పట్ల సదరు మహిళ ప్రవర్తించిన తీరుపై పోలీసులు చర్యలు తీసుకోవాలని పెద్దఎత్తున ట్వీట్లు చేస్తుండగా.. ట్విటర్ టాప్ ట్రెండింగ్లో హ్యాష్ ట్యాగ్ కొనసాగుతోంది. ఇంతకు అక్కడ ఏం జరిగింది అనే విషయం గురించి పోలీసులు ఆరా తీయాల్సిన ఉంది.
