చిరుతపులి, మొసలి.. రెండూ క్రూర మృగాలే. అవి చాలా ప్రమాదకరమైనవి. వాటి దగ్గరకు వెళితే అంతే సంగతులు. అయితే ఈ రెండూ ఎదురుపడితే ఎలా ఉంటుంది ? రెండింటిలో ఏది గెలుస్తుంది ? అంటే ఈ వీడియో చూడాల్సిందే.
నీటిలో ఉన్న ఓ మొసలిపై చిరుతపులి అమాంతం దాడి చేసింది. దాన్ని నోట కరుచుకుని బయటకు తీసుకువచ్చింది. దీంతో మొసలి ఆ పులి నుంచి తప్పించుకునే యత్నం చేసింది. అయినప్పటికీ చిరుత వదిలిపెట్టలేదు. దాన్ని పక్కనే ఉన్న పొదల్లోకి లాక్కెళ్లింది. ఆ సమయంలో తీసిన ఆ వీడియో సోషల్ మీడియాలో వైరల్గా మారింది.
Hunting skills at its best 🤩 Wild is as beautiful as it dangerous. pic.twitter.com/g7c1oqSLwq
— Praveen Angusamy IFS 🐾 (@JungleWalaIFS) March 12, 2021
ఇండియన్ ఫారెస్ట్ ఆఫీసర్ ప్రవీణ్ అంగుసామి ఆ వీడియోను ట్విట్టర్లో పోస్టు చేయగా దాన్ని ఇప్పటికే చాలా మంది వీక్షించారు. చాలా డేంజరస్గా ఉంది ఆ వీడియో.. అంటూ చాలా మంది యూజర్లు కామెంట్లు చేశారు. ఈ క్రమంలోనే ఆ వీడియోను నెటిజన్లు షేర్ కూడా చేస్తున్నారు.
