లాఫింగ్ బుద్ధ విగ్ర‌హాన్ని మ‌నంత‌ట మ‌న‌మే కొని ఇంట్లో పెట్టుకోవ‌చ్చా ? ఎలాంటి లాభాలు క‌లుగుతాయి ?

లాఫింగ్ బుద్ధను చైనీయుల ప్ర‌కారం హొటెయ్ అని పిలుస్తారు. లాఫింగ్ బుద్ధ విగ్ర‌హాన్ని ఇంట్లో పెట్టుకుంటే శుభం జ‌రుగుతుంద‌ని, సిరి సంప‌ద‌లు సిద్ధిస్తాయ‌ని, అదృష్టం క‌ల‌సి వ‌స్తుంద‌ని, అన్ని స‌మ‌స్య‌లు పోతాయ‌ని విశ్వ‌సిస్తారు. లాఫింగ్ బుద్ధ పొట్ట సంతోషానికి, అదృష్టానికి, సంప‌ద‌కు సూచిక‌. అందువ‌ల్ల ఆ విగ్ర‌హాన్ని పెట్టుకుంటే అంతా మంచే జ‌రుగుతుంది.

లాఫింగ్ బుద్ధ విగ్ర‌హానికి చెందిన పొట్ట‌పై రుద్ద‌డం వ‌ల్ల ల‌క్ క‌ల‌సి వ‌స్తుంద‌ని న‌మ్ముతారు. ఆ విగ్ర‌హం వ‌ద్ద ఒక ఫెంగ్ షుయ్ కాయిన్‌ను ఉంచితే అన్ని స‌మ‌స్య‌లు తొల‌గిపోతాయ‌ని వాస్తు నిపుణులు చెబుతున్నారు. ఇక లాఫింగ్ బుద్ధ‌ను ఇంట్లో పెట్టుకుంటే అంద‌రికీ అన్ని స‌మ‌స్య‌లు పోతాయ‌ని చెబుతారు.

అయితే లాఫింగ్ బుద్ధ విగ్ర‌హాన్ని మ‌నంత‌ట మ‌నం కొనుగోలు చేయ‌కూడ‌ద‌ని, దాన్ని ఎవ‌రైనా మ‌న‌కు గిఫ్ట్‌గా ఇవ్వాల‌ని చెబుతుంటారు. అయితే ఇందులో ఎంత‌మాత్రం నిజంలేదు. ఆ విగ్ర‌హాన్ని మ‌నంత‌ట మ‌నం కొని కూడా ఇంట్లో పెట్టుకోవ‌చ్చు. లాఫింగ్ బుద్ధ‌తోపాటు వినాయ‌కుడి విగ్ర‌హాన్ని ప‌క్క‌నే ఉంచితే అదృష్టం రెట్టింప‌వుతుంద‌ని వాస్తు చెబుతోంది. అందువ‌ల్ల లాఫింగ్ బుద్ధ విగ్ర‌హాన్ని ఎవ‌రైనా గిఫ్ట్ గా ఇవ్వాల్సిన ప‌నిలేదు. మ‌నంత‌ట మ‌న‌మే కొని ఇంట్లో పెట్టుకోవ‌చ్చు. ఈ విష‌యాన్ని త‌ప్ప‌నిస‌రిగా గుర్తుంచుకోండి.