కాంటాక్ట్ లెస్ కార్డుల‌ను వాడుతున్నారా ? ఈ విష‌యం తెలుసుకోండి, లేదంటే మోస‌పోతారు..!

క్రెడిట్‌, డెబిట్ కార్డులను ప్ర‌స్తుతం చాలా వ‌ర‌కు కాంటాక్ట్‌లెస్ కార్డుల రూపంలో అందిస్తున్నారు. వాటిపై చిత్రంలో చూపిన విధంగా సింబ‌ల్ ఉంటుంది. ఈ కార్డుల వ‌ల్ల చెల్లింపులు చేసే స‌మ‌యాల్లో పిన్‌ను ఎంట‌ర్ చేయాల్సిన ప‌నిలేదు. ఒక ట్రాన్సాక్ష‌న్‌కు నిర్దిష్ట‌మైన ప‌రిమితి వ‌ర‌కు పిన్ లేకుండానే చెల్లింపులు చేయ‌వ‌చ్చు. బ్యాంకుల‌ను బ‌ట్టి కార్డుకు ఒక ట్రాన్సాక్ష‌న్‌కు నిర్దిష్ట‌మైన ప‌రిమితి ఉంటుంది.

కొన్ని బ్యాంకులు తాము అందించే కాంటాక్ట్ లెస్ కార్డుల‌కు ఒక ట్రాన్సాక్ష‌న్‌కు గ‌రిష్టంగా రూ.2వేల వ‌ర‌కు ప‌రిమితిని విధిస్తున్నాయి. అంటే ఆ మొత్తం వ‌ర‌కు ట్రాన్సాక్ష‌న్ చేసినా పిన్ లేకుండానే చెల్లింపులు జ‌ర‌వ‌ప‌చ్చ‌న్న‌మాట‌. ఇక కొన్ని బ్యాంకులు ఆ లిమిట్‌ను రూ.4వేల వ‌ర‌కు అందిస్తున్నాయి. అయితే ఈ కాంటాక్ట్ లెస్ కార్డుల ద్వారా చెల్లింపులు చేసే స‌మ‌యంలో జాగ్ర‌త్త‌గా ఉండాలి.

కాంటాక్ట్ లెస్ కార్డుల‌కు పిన్ అవ‌స‌రం ఉండ‌దు. కాబ‌ట్టి ట్రాన్సాక్ష‌న్ చేసే స‌మ‌యంలో క‌చ్చితంగా చెక్ చేయాలి. లేదంటే రెండు సార్లు కార్డును స్వైప్ చేస్తారు. అప్పుడు రెండు సార్లు డ‌బ్బులు క‌ట్ అవుతాయి. అలాంటి సంద‌ర్భాల్లో బిల్లు ఇచ్చేందుకు నిరాక‌రిస్తారు. క‌నుక క‌చ్చితంగా బిల్లు పొందాలి. మ‌న మొబైల్‌కు వెంట‌నే మెసేజ్ రాదు. కొద్దిగా ఆల‌స్యం అవుతుంది. క‌నుక ఒక‌టి క‌న్నా ఎక్కువ సార్లు ట్రాన్సాక్ష‌న్ అయిందీ, లేనిదీ మ‌న‌కు తెలియ‌దు. కాబ‌ట్టి కాంటాక్ట్ లెస్ కార్డుల ద్వారా పేమెంట్లు చేసేట‌ప్పుడు స్వ‌యంగా ద‌గ్గ‌రుండి చూసుకోవాలి. లేదంటే కొంద‌రు ఎక్కువ సార్లు కార్డును స్వైప్ చేస్తారు. ఆ విష‌యాన్ని ప‌సిగ‌ట్ట‌క‌పోతే మ‌నం డ‌బ్బును న‌ష్ట‌పోవాల్సి వ‌స్తుంది. కాంటాక్ట్ లెస్ కార్డుల‌ను వాడేవారు ఈ విష‌యంలో జాగ్ర‌త్త‌గా ఉండాలి.