మొబైల్స్ తయారీదారు వివో.. వి21ఇ 5జి పేరిట ఓ నూతన స్మార్ట్ ఫోన్ను భారత్లో విడుదల చేసింది. ఇందులో ఆకట్టుకునే ఫీచర్లను అందిస్తున్నారు. ఈ ఫోన్లో 6.44 ఇంచుల ఫుల్ హెచ్డీ ప్లస్ రిజల్యూషన్ కలిగిన అమోలెడ్ డిస్ప్లేను ఏర్పాటు చేశారు. ముందు భాగంలో 32 మెగాపిక్సల్ కెపాసిటీ ఉన్న సూపర్ నైట్ సెల్ఫీ కెమెరాను ఏర్పాటు చేశారు. దీని వల్ల సెల్ఫీలు అద్భుతంగా వస్తాయి. ఈ ఫోన్లో మీడియాటెక్ డైమెన్సిటీ 700 ప్రాసెసర్ను అమర్చారు. అందువల్ల 5జి సేవలను పొందవచ్చు.
ఈ ఫోన్లో 8జీబీ వరకు ర్యామ్ లభిస్తుంది. ఎక్స్టెండెడ్ ర్యామ్ టెక్నాలజీని ఈ ఫోన్లో అందిస్తున్నారు. అంటే ఇంకో 3 జీబీ ర్యామ్ను అందులో అదనంగా ఏర్పాటు చేసుకోవచ్చన్నమాట. ఇక ఈ ఫోన్లో వెనుక వైపు 64 మెగాపిక్సల్ మెయిన్ కెమెరా ఉంది. దీనికి తోడు మరో 8 మెగాపిక్సల్ వైడ్ యాంగిల్ కెమెరాను ఏర్పాటు చేశారు. 4000 ఎంఏహెచ్ బ్యాటరీ లభిస్తుంది. దీనికి 44 వాట్ల ఫాస్ట్ చార్జింగ్ సపోర్ట్ను అందిస్తున్నారు. అందువల్ల ఫోన్ 30 నిమిషాల్లోనే 0 నుంచి 72 శాతం వరకు చార్జింగ్ అవుతుంది.
ఈ ఫోన్ 8జీబీ ర్యామ్, 128 జీబీ స్టోరేజ్ ఆప్షన్లో విడుదలైంది. డ్యుయల్ సిమ్ వేసుకోవచ్చు. ఆండ్రాయిడ్ 11 ఓఎస్ లభిస్తుంది. ఇన్ డిస్ప్లే ఫింగర్ ప్రింట్ సెన్సార్ను ఏర్పాటు చేశారు. డ్యుయల్ 4జి వీవోఎల్టీఈ, డ్యుయల్ బ్యాండ్ వైఫై, బ్లూటూత్ 5.1, యూఎస్బీ టైప్ సి ఫీచర్లు ఈ ఫోన్లో లభిస్తున్నాయి.
వివో వి21ఇ 5జి స్మార్ట్ఫోన్ ధర రూ.24,990 ఉండగా దీన్ని అన్ని ఆన్లైన్ స్టోర్స్లోనూ కొనుగోలు చేయవచ్చు.
