ట్రాన్స్షన్ ఇండియా లిమిటెడ్ కంపెనీ టెక్నో సిరీస్లో కొత్త స్మార్ట్ ఫోన్ను టెక్నో స్పార్క్ 7 పేరిట విడుదల చేసింది. ఇందులో 6.52 ఇంచుల హెచ్డీ ప్లస్ రిజల్యూషన్ కలిగిన డిస్ప్లేను ఏర్పాటు చేశారు. 2 గిగాహెడ్జ్ క్వాడ్కోర్ మీడియాటెక్ హీలియో ఎ25 ప్రాసెసర్ను ఏర్పాటు చేశారు. 3 జీబీ వరకు ర్యామ్ లభిస్తుంది. 16 మెగాపిక్సల్ కెమెరా వెనుక భాగంలో ఉంది. ముందు వైపు 8 మెగాపిక్సల్ కెమెరాను ఇచ్చారు. ఆండ్రాయిడ్ 11 గో ఎడిషన్ ఇందులో లభిస్తుంది.
ఈ ఫోన్లో ఫింగర్ ప్రింట్ సెన్సార్ వెనుక భాగంలో ఉంది. డెడికేటెడ్ డ్యుయల్ సిమ్, మైక్రో ఎస్డీ కార్డు స్లాట్లను ఏర్పాటు చేశారు. 6000 ఎంఏహెచ్ బ్యాటరీ లభిస్తుంది.
టెక్నో స్పార్క్ 7 ఫీచర్లు
- 6.52 ఇంచుల హెచ్డీ ప్లస్ డిస్ప్లే, 1600 x 720 పిక్సల్స్ స్క్రీన్ రిజల్యూషన్
- ఆక్టాకోర్ మీడియాటెక్ హీలియో ఎ25 ప్రాసెసర్, 2/3 జీబీ ర్యామ్
- 32/64 జీబీ స్టోరేజ్, 256 జీబీ ఎక్స్పాండబుల్ స్టోరేజ్
- ఆండ్రాయిడ్ 11 గో ఎడిషన్, 16, 8 మెగాపిక్సల్ బ్యాక్, ఫ్రంట్ కెమెరాలు
- ఫింగర్ ప్రింట్ సెన్సార్, 4జీ వీవోఎల్టీఈ, బ్లూటూత్ 5.0
- 6000 ఎంఏహెచ్ బ్యాటరీ
టెక్నో స్పార్క్ 7 స్మార్ట్ ఫోన్ మాగ్నెట్ బ్లాక్, మార్ఫియస్ బ్లూ, స్ప్రూస్ గ్రీన్ కలర్ ఆప్షన్లలో విడుదలైంది. ఈ ఫోన్ కు చెందిన 2జీబీ ర్యామ్, 32 జీబీ స్టోరేజ్ మోడల్ ధర రూ.6,999 ఉండగా, 3జీబీ ర్యామ్, 64జీబీ స్టోరేజ్ మోడల్ ధర రూ.7,999గా ఉంది. ఈ ఫోన్ను ఏప్రిల్ 16 నుంచి అమెజాన్ లో ఎక్స్క్లూజివ్గా విక్రయించనున్నారు.
