అదిరిపోయే ఫీచ‌ర్ల‌తో విడుద‌లైన రియ‌ల్‌మి ఎక్స్‌7 మ్యాక్స్ స్మార్ట్ ఫోన్‌.. ఫీచ‌ర్లు, ధ‌ర ఎలా ఉన్నాయంటే..?

మొబైల్స్ త‌యారీదారు రియ‌ల్‌మి.. ఎక్స్‌7 మ్యాక్స్ పేరిట ఓ నూత‌న స్మార్ట్ ఫోన్‌ను భార‌త్‌లో తాజాగా విడుద‌ల చేసింది. ఇందులో 6.43 ఇంచుల ఫుల్ హెచ్‌డీ ప్ల‌స్ సూప‌ర్ అమోలెడ్ డిస్‌ప్లేను ఏర్పాటు చేశారు. దీనికి 120 హెడ్జ్ రిఫ్రెష్ రేట్‌ను అందిస్తున్నారు. దీంతో డిస్‌ప్లే క్వాలిటీగా ఉంటుంది. అలాగే ముందు వైపు 16 మెగాపిక్స‌ల్ పంచ్ హోల్ కెమెరాను ఏర్పాటు చేశారు. ఈ ఫోన్‌లో 5జికి స‌పోర్ట్ ల‌భిస్తుంది.

ఈ ఫోన్ వెనుక భాగంలో 64 మెగాపిక్స‌ల్ మెయిన్ కెమెరాకు తోడుగా మరో 8 మెగాపిక్స‌ల్ అల్ట్రావైడ్ యాంగిల్ కెమెరా, 2 మెగాపిక్స‌ల్ మాక్రో కెమెరాల‌ను ఏర్పాటు చేశారు. ఈ ఫోన్‌లో 4500 ఎంఏహెచ్ బ్యాట‌రీని అందిస్తున్నారు. దీనికి ఫాస్ట్ చార్జింగ్ స‌పోర్ట్ ల‌భిస్తుంది. అందువ‌ల్ల ఈ ఫోన్ కేవ‌లం 16 నిమిషాల్లోనే 50 శాతం చార్జింగ్ అవుతుంది.

రియ‌ల్‌మి ఎక్స్‌7 మ్యాక్స్ ఫీచ‌ర్లు

• 6.43 ఇంచ్ ఫుల్ హెచ్‌డీ ప్ల‌స్ సూప‌ర్ అమోలెడ్ డిస్‌ప్లే, 2400×1080 పిక్స‌ల్స్ స్క్రీన్ రిజ‌ల్యూష‌న్
• 120 హెడ్జ్ రిఫ్రెష్ రేట్‌, 3 గిగాహెడ్జ్ ఆక్టాకోర్ మీడియాటెక్ డైమెన్సిటీ 1200 ప్రాసెస‌ర్‌, 8/12 జీబీ ర్యామ్
• 128/256 జీబీ స్టోరేజ్‌, ఆండ్రాయిడ్ 11, డ్యుయ‌ల్ సిమ్‌, 64, 8, 2 మెగాపిక్స‌ల్ బ్యాక్ కెమెరాలు
• 16 మెగాపిక్స‌ల్ సెల్ఫీ కెమెరా, ఇన్ డిస్‌ప్లే ఫింగర్ ప్రింట్ సెన్సార్‌, డాల్బీ అట్మోస్
• 5జి, డ్యుయ‌ల్ 4జి వీవోఎల్‌టీఈ, బ్లూటూత్ 5.1, యూఎస్‌బీ టైప్ సి, ఎన్ఎఫ్‌సీ
• 4500 ఎంఏహెచ్ బ్యాట‌రీ, ఫాస్ట్ చార్జింగ్

రియ‌ల్ మి ఎక్స్‌7 మ్యాక్స్ స్మార్ట్ ఫోన్ ఆస్ట‌రాయిడ్ బ్లాక్‌, మెర్క్యురీ సిల్వ‌ర్‌, మిల్కీ వే క‌ల‌ర్ ఆప్ష‌న్ల‌లో విడుద‌లైంది. ఈ ఫోన్‌కు చెందిన 8జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర‌ రూ.26,999 ఉండ‌గా, 12జీబీ ర్యామ్‌, 256 జీబీ స్టోరేజ్ మోడల్ ధ‌ర రూ.29,999గా ఉంది. ఈ ఫోన్‌ను ఫ్లిప్‌కార్ట్‌తోపాటు రియ‌ల్‌మి ఆన్‌లైన్ స్టోర్‌లో, ఇత‌ర ఆఫ్‌లైన్ స్టోర్స్‌లో విక్ర‌యిస్తున్నారు.