Coconut In Aeroplan : కొబ్బ‌రికాయ‌ల‌ను విమానంలో తీసుకెళ్ల‌కూడ‌దా..? ఎందుకు..?

Coconut In Aeroplan : విమాన ప్ర‌యాణం ద్వారా ఎంతో స‌మ‌యం ఆదా అవుతుంది. అందుక‌నే సంప‌న్న వ‌ర్గాల‌కు చెందిన వారు, అప్ప‌ర్ మిడిల్ క్లాస్ వారు విమానాల ద్వారా ఎక్కువగా ప్ర‌యాణాలు చేస్తుంటారు. అయితే విమానాల్లో వెళ్ల‌డం వ‌ర‌కు బాగానే ఉంటుంది. కానీ అందులో ఏ వ‌స్తువును ప‌డితే ఆ వ‌స్తువును తీసుకెళ్తానంటే కుద‌ర‌దు. విమానాల్లో తీసుకెళ్లేందుకు కేవ‌లం కొన్ని ర‌కాల వ‌స్తువుల‌ను మాత్ర‌మే అనుమ‌తిస్తారు. కొన్ని వ‌స్తువుల‌కు అనుమ‌తి ఉండ‌దు. అయితే ఈ మ‌ధ్య సోష‌ల్ మీడియాలో ఒక ఆస‌క్తిక‌ర‌మైన టాపిక్ తెర మీద‌కు వ‌చ్చింది. అదేమిటంటే..

విమానాల్లో కొబ్బరికాయ‌ల‌ను తీసుకెళ్ల‌వ‌చ్చా.. లేదా.. అని కొంద‌రు అడిగిన ప్ర‌శ్న‌ల‌కు విమాన‌యాన సంస్థ‌లు స‌మాధానాలు ఇచ్చాయి. ఎండిన కొబ్బ‌రిని విమానాల్లో అస‌లు తీసుకెళ్ల‌కూడ‌ద‌ని చెప్పారు. ఎందుకంటే ఎండు కొబ్బ‌రిలో నూనె ప‌దార్థం ఎక్కువ‌గా ఉంటుంది. ఇది మండే స్వ‌భావాన్ని క‌లిగి ఉంటుంది. ఏదైనా అనుకోని ప్ర‌మాదం జ‌రిగితే ఈ కొబ్బ‌రి త్వ‌ర‌గా మండుతుంది. దీంతో విమానంలో మంట‌లు చెల‌రేగే అవ‌కాశం ఉంటుంది. క‌నుక ఎండు కొబ్బరిని విమానాల్లో తీసుకెళ్ల‌కూడ‌దు అని చెప్పారు.

అయితే ప‌చ్చి కొబ్బ‌రిని మాత్రం చిన్న చిన్న ముక్క‌లుగా క‌ట్ చేసి తీసుకెళ్ల‌వ‌చ్చ‌ని చెప్పారు. అలాగే ప్యాక్ చేయ‌బ‌డిన కొబ్బ‌రి అయితే తీసుకెళ్ల‌వ‌చ్చ‌ట‌. ఎందుకంటే కంపెనీలు అన్నీ సేఫ్టీ ప్ర‌మాణాల‌ను పాటిస్తూ కొబ్బరిని ప్యాక్ చేస్తాయి. క‌నుక ప్యాక్ చేయ‌బ‌డిన కొబ్బరికి విమానాల్లో అనుమ‌తి ఉంది. ఇక విమానాల్లో తేనెను 100 ఎంఎల్ వ‌ర‌కు తీసుకెళ్ల‌వ‌చ్చు. అదే నీళ్ల బాటిల్ అయితే 100 ఎంఎల్ వ‌ర‌కు అనుమ‌తిస్తారు. శీతల పానీయాల‌ను కూడా 100 ఎంఎల్ వ‌ర‌కు అనుమ‌తిస్తారు.

విమానాల్లో బిర్యానీ, డ్రై కేక్‌, డ్రై ఫ్రూట్స్‌, పండ్లు, కూర‌గాయ‌లు, డ్రై స్వీట్ల‌ను తీసుకెళ్ల‌వ‌చ్చు. చేప‌లు,మాంసాహారాలు, కొబ్బ‌రి, ఊర‌గాయ‌లు, బియ్యం, ప‌ప్పు దినుసులు, అన్ని ర‌కాల మసాలా పొడులు, కారం పొడి వంటి వాటిని విమానాల్లో తీసుకెళ్లేందుకు అనుమ‌తించ‌రు. క‌నుక ఈ విష‌యాల‌ను ప్రయాణికులు ముందుగానే తెలుసుకుంటే విమానం ఎక్కే స‌మ‌యంలో ఎలాంటి ఇబ్బందులు రాకుండా ఉంటాయి. లేదంటే మీరు తెచ్చిన ఆ వ‌స్తువుల‌ను ఎయిర్‌పోర్టులోనే విడిచిపెట్టి వెళ్లాల్సి వ‌స్తుంది. క‌నుక ఈ విష‌యంలో జాగ్ర‌త్త‌గా ఉండండి.