Viral News : 6 ఏళ్ల బాలిక‌.. 24 నిమిషాల్లోనే 108 మంత్రాలు చ‌దివి రికార్డు సృష్టించింది..!

Viral News : టాలెంట్ అనేది నిజంగా ఎవ‌రి సొత్తూ కాదు. కొంద‌రికి అది పుట్టుక‌తోనే వ‌స్తుంది. దానికి కాస్తంత మెరుగులు పెట్టాలే కానీ వారు అద్భుతాలు సృష్టిస్తారు. స‌రిగ్గా ఆ బాలిక కూడా అలాగే చేస్తోంది. నోరు తిర‌గ‌డానికి కూడా క‌ష్ట‌మైన వ‌య‌స్సులో ఏకంగా పెద్ద పెద్ద మంత్రాలు చ‌దివి అంద‌రినీ ఆశ్చ‌ర్యానికి గురి చేస్తోంది.

ఒడిశాలోని జ‌గత్‌సింగ్ పూర్ జిల్లాలో ఉన్న తారాడ‌పాడ గ్రామానికి చెందిన ర‌ష్మి ర‌జంన్ మిశ్రా కుమార్తె డి.సాయి శ్రేయాంసి వ‌య‌స్సు 6 ఏళ్లు. 1వ త‌ర‌గ‌తి చ‌దువుతోంది. కోవిడ్ నేప‌థ్యంలో ఆమె ప్ర‌స్తుతం ఆన్‌లైన్‌లోనే క్లాసుల‌కు హాజ‌ర‌వుతోంది. అయితే ఈ బాలిక ఎంతో క‌ష్ట‌మైన మంత్రాల‌ను అవ‌లీల‌గా ప‌ఠిస్తోంది.

తాజాగా ఈ బాలిక 24 నిమిషాల 50 సెక‌న్ల‌లో ఏకంగా 108 మంత్రాలు చ‌దివి అంద‌రినీ ఆశ్చ‌ర్యానికి గురి చేసింది. తాను రోజూ ఇంట్లో ప‌ఠించే మంత్రాల‌ను శ్ర‌ద్ధ‌గా విని నేర్చుకున్నాన‌ని ఆ బాలిక తెలియ‌జేసింది. అంతేకాదు.. ఆమెకు ఒడిస్సీ నృత్యం కూడా వ‌చ్చు. త్వ‌ర‌లోనే అందులోనూ పేరు తెచ్చుకుంటాన‌ని ఆ బాలిక చెబుతోంది. ఏది ఏమైనా.. ఇంత చిన్న వ‌య‌స్సులో అంత క‌ఠిన‌మైన మంత్రాల‌ను ప‌ఠిస్తుందంటే.. ఆమెకు హ్యాట్సాఫ్ చెప్పాల్సిందే..! కాగా ఈ బాలిక సాధించిన ఈ ఫీట్‌కు గాను ఈమె పేరును ఇండియా బుక్ ఆఫ్ రికార్డ్స్‌లో న‌మోదు చేశారు.