Vijay Sethupathi : ఒక్కోసారి సెలబ్రిటీలకు జనాల మధ్య విచిత్ర సమస్యలు ఎదురవుతుంటాయి. మీదకు తోసుకురావడం, దాడి చేయడం వంటివి కూడా చేస్తుంటారు. తాజాగా తమిళ స్టార్ హీరో విజయ్ సేతుపతికి ఎయిర్పోర్ట్ లో విచిత్రమైన సంఘటన ఎదురైంది. బెంగళూరు ఎయిర్ పోర్టులో విజయ్ సేతుపతి నడుచుకుంటూ వెళ్తుండగా.. ఓ ఆగంతకుడు వెనుకనుంచి వచ్చి ఎగిరి తన్నాడు.
దీంతో విజయ్ ఒక్కసారిగా షాక్ అయ్యాడు. పక్కనే ఉన్నవారంతా అలెర్ట్ అయ్యారు. ఆ ఆగంతకుడిని పట్టుకున్నారు. ఎయిర్ పోర్ట్ భద్రతా అధికారులు విజయ్ సేతుపతిని క్షేమంగా తీసుకెళ్లినట్టు కనిపిస్తోంది. పునీత్ రాజ్ కుమార్ మరణం తర్వాత తమిళ హీరోలు ఎవరూ చివరి చూపుకు రాలేదు కదా కనీసం స్పందించలేదు. దీని వలన కన్నడిగులు కోపంగా ఉన్నారట. ఆ కారణంతోనే విజయ్ సేతుపతిపై దాడి చేశారని అంటున్నారు.
కోలీవుడ్తో పాటు టాలీవుడ్లోనూ పాపులారిటీ ఉన్న నటుడు విజయ్ సేతుపతి. పిజ్జా వంటి సినిమాలతో హీరోగానే కాకుండా.. దళపతి విజయ్ హీరోగా చేసిన ‘మాస్టర్’లో విలన్గా చేసి తెలుగులో మంచి గుర్తింపు సాధించాడు. మెగా హీరో వైష్ణవ్ తేజ్ కథనాయకుడిగా చేసిన ‘ఉప్పెన’ సినిమాతో మక్కల్ సెల్వన్ ఇమేజ్ ఇంకా పెరిగింది. హీరోగానే కాకుండా విలన్గా, క్యారెక్టర్ ఆర్టిస్ట్గానూ పలుభాషలలో సినిమాలు చేసుకుంటూ వెళుతున్నాడు.
ఎయిర్ పోర్టులో నటుడు విజయ్ సేతుపతిపై ఆగంతకుడి దాడి… వెనుక నుంచి ఒక్కసారిగా దాడి చేయడంతో విజయ్ ఎలా షాక్ అయ్యాడో చూడండి..!#VijaySethupathi pic.twitter.com/Sr36Go0zAq
— Asianetnews Telugu (@AsianetNewsTL) November 3, 2021
