Vedam Movie Karpuram : సినీ ఇండ‌స్ట్రీలో కొన్ని సినిమాలు బాక్సాఫీస్ ద‌గ్గ‌ర పెద్ద‌గా క‌లెక్ష‌న్స్ రాబ‌ట్ట‌క‌పోయిన కూడా మన‌సులు దోచుకుంటూ ఉంటుంది. అలా ప్రేక్షకుల మ‌దిలో స్థానం సంపాదించుకున్న చిత్రాల‌లో వేదం సినిమా ఒక‌టి కాగా, ఈ సినిమాకు క్రిష్ ద‌ర్శ‌కత్వం వ‌హించ‌గా అల్లు అర్జున్ మరియు మ‌నోజ్ లు హీరోలుగా నటించారు. ఇక ఈ సినిమాలో దీక్షాసేత్ హీరోయిన్ గా న‌టించింది. అంతే కాకుండా బాలీవుడ్ న‌టుడు మ‌నోజ్ బాజ్ పాయి ముఖ్య‌మైన పాత్ర‌లో నటించారు. ఇక చిత్రంలో కేబుల్ రాజుగా అల్లు అర్జున్ నటించారు. అలాగే అనుష్క నటించిన సరోజ పాత్రకి కూడా చాలా మంచి పేరు వచ్చింది.
సినిమా ఫలితం ఎలా ఉన్నా, చాలా మంది ఈ సినిమాలో నటించిన వారి నటనని, అలాగే ఇలాంటి కథని ఏంచుకున్నందుకు క్రిష్ ని ప్రతి ఒక్క‌రు ప్రశంసించారు. ఈ సినిమాలో అనుష్క పోషించిన సరోజ పాత్రతో మరో వ్యక్తి కూడా ఉంటారు. తనే కర్పూరం. సరోజ వేరే ఊరికి వెళ్లి ఇవ‌న్నీ వ‌దిలేసి వేరే జీవితం చూసుకుందాం అని నిర్ణ‌యించుకున్న‌ప్పుడు కర్పూరం స‌రోజ‌కు మ‌ద్ద‌తుగా ఉంటుంది. అయితే ఈ చిత్రంలో కర్పూరం పాత్ర పోషించిన వ్యక్తి పేరు నిక్కి.. ఇత‌ను హీరోయిన్ అనుష్క ప‌ర్స‌న‌ల్ మేక‌ప్ స్టాఫ్‌.
వాస్త‌వానికి ఈ పాత్ర‌ను డైరెక్టర్ క్రిష్ చేయాల‌నుకున్నాడు కానీ క్రిష్ వాళ్ల త‌ల్లి ఈ పాత్ర చేయ‌డానికి ఒప్పుకోలేదట. ఆ పాత్ర చేస్తే పెళ్లి కాద‌ని చెప్పారట. దీంతో ఆ స‌మ‌యంలో అనుష్క నిక్కి పేరు స‌జెస్ట్ చేయ‌డంతో పాటు నిక్కి చేసిన ఒక డ్యాన్స్ వీడియో కూడా క్రిష్‌కి చూపించారు. ఆ వీడియో చూసి ఈ పాత్రకి నిక్కిని ఎంపిక చేశారు. ఈ క్యారెక్టర్ క్రిష్ చేస్తే ఎలా ఉండేదో అని అభిమానులు ఊహించుకుంటున్నారు. స్టార్ హీరోయిన్ గా కొన‌సాగుతున్న స‌మ‌యంలో అనుష్క అలాంటి పాత్ర‌లో నటించ‌డం అందర్నీ ఆశ్చ‌ర్య‌ప‌ర్చింది. అనుష్క న‌ట‌న‌కు ప్రేక్ష‌కులు ఫిదా అయ్యారు.
